«Miesca raniej nie praviarałasia». Rajon, dzie znajšli zahinułaha Maksima Ziańkoviča, pieršapačatkova praihnaravali
U Biarezinskim rajonie šeść dzion praciahvalisia pošuki 14‑hadovaha Maksima Ziańkoviča, jaki ranicaj 8 listapada pajechaŭ na rovary ŭ nieviadomym kirunku. Siońnia dniom jaho znajšli miortvym. Kamandzir pošukava-vyratavalnaha atrada «Anioł» Siarhiej Koŭhan raskazaŭ Onliner.by, čamu rajon, dzie znajšli chłopčyka, spačatku nie pravieryli.
Siońnia ŭ 14:37 źjaviłasia infarmacyja ad MNS, što pablizu torfaraspracovak niepadalok ad nasielenaha punkta Nieścieraŭka Biarezinskaha rajona znajšli rovar chłopčyka. Da źniknieńnia Maksim cikaviŭsia hetaj vioskaj u mamy. Da Nieścieraŭki ad doma dziaduli — 1,8 kiłamietra.
Voś punkt na karcie, dzie mierkavana znajšli rovar. Heta prykładna za 2,3 kiłamietra ad vioski Karboŭskaje, dzie znachodzicca dom dziaduli Maksima.
Krychu bolš padrabiazna pra toje, jak znajšli rovar chłopčyka, raskazali va UUS Minskaha abłvykankama:
— U chodzie adpracoŭki terytoryi byŭ znojdzieny śled čaravika. Było paćvierdžana, što jon moža naležać 14‑hadovamu Maksimu Ziańkoviču. Kruh pošukaŭ byŭ zvužany. U radyusie paŭtara kiłamietra piešaja hrupa natknułasia na sam rovar, jaki svajaki niepaŭnaletniaha papiarednie apaznali jak prynaležny dziciaci. U ciapierašni čas praciahvajecca adpracoŭka prylehłaj terytoryi, u tym liku z vykarystańniem avijacyi, z ulikam bałocistaj miascovaści, — prakamientavali ŭ viedamstvie.
U 15:51 źjaviłasia infarmacyja ad milicyi, što 14‑hadovy Maksim Ziańkovič znojdzieny. Jon zahinuŭ.
— U radyusie kiłamietra ad znojdzienaha rovara było znojdziena cieła niepaŭnaletniaha Maksima Ziańkoviča biez bačnych prykmiet hvałtoŭnaj śmierci, — napisali ŭ telehram-kanale viedamstva.
Paźniej u MNS paviedamili, što cieła źnikłaha dziciaci znajšli ŭ chodzie pracy avijacyjnaj hrupy, to-bok z dapamohaj viertalota.
Tak vyhladaje miesca, dzie było znojdziena cieła chłopčyka. Miarkujučy pa ŭsim, dzicia znajšli na zabałočanaj miascovaści. Na miescy pracuje śledča-apieratyŭnaja hrupa. Ekśpiertam treba budzie daviedacca pryčynu hibieli dziciaci.
Jak raskazaŭ Siarhiej Koŭhan, kamandzir PVA «Anioł», miascovaść, dzie było znojdziena cieła chłopčyka, raniej nie praviarali.
— Pieršapačatkova byŭ znojdzieny śled źnikłaha chłopčyka. Ale mierkavana abvierhli, što heta jaho śled, tamu kirunak nie byŭ pryjarytetnym. Siońnia pry bolš detalovym pračesvańni miascovaści pa kvadratach, jakija byli nie abśledavanyja abo abśledavanyja nie całkam, pošukavaj hrupaj u składzie PVA «Anioł», laśnictva i supracoŭnikaŭ milicyi byŭ spačatku znojdzieny rovar chłopčyka. Paśla byŭ padniaty viertalot MNS, i ŭžo ź viertalota znajšli zahinułaha Maksima.
Siarhiej Koŭhan vykazaŭ vialikuju padziaku ŭsim ludziam, jakija brali ŭdzieł u pošukach chłopčyka: «Atrad «Anioł» vykazvaje spačuvańni rodnym i blizkim Maksima».
Pošuki, nahadajem, vialisia kruhłasutačna, udzieł u ich uziali tysiačy biełarusaŭ.
Źnikły 14‑hadovy Maksim Ziańkovič znojdzieny miortvym
Znojdzieny śled čaravika źnikłaha Maksima Ziańkoviča
«Dzicia źnikła — nie zmoh zastacca doma». Šosty dzień pošukaŭ Maksima Ziańkoviča
Dobraachvotniki dla pošuku Maksima Ziańkoviča prybyvajuć z usioj Biełarusi, jaho šukajuć piatyja sutki
«Nam nie patrebny emocyi — patrebna dapamoha». Mama źnikłaha čatyry dni tamu Maksima raspaviała pra pošuki syna i padtrymku ludziej
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki9
Kamientary