Orban pahražaje zabłakavać jeŭrapiejskuju dapamohu Ukrainie, kali nie budzie biezumoŭna pryniaty płan Trampa
Premjer-ministr Vienhryi Viktar Orban, jaki ŭžo daŭno vystupaje suprać padtrymki Ukrainy, karystajecca novaj inicyjatyvaj ZŠA, kab zatrymać vyłučeńnie Jeŭrasajuzam šmatmiljardnaj dapamohi Kijevu, paviedamlaje Politico.
U liście da kiraŭnicy Jeŭrakamisii Ursuły fon der Lajen, ź jakim aznajomiłasia Politico, Orban zaklikaŭ ES padtrymać amierykanskuju «mirnuju prapanovu» z 28 punktaŭ. Pavodle hetaj prapanovy, Ukraina pavinna admovicca ad častki terytoryj, u dva razy skaracić svaju armiju, a ZŠA atrymajuć 50% prybytku ad paślavajennaha adnaŭleńnia krainy. Płan byŭ padrychtavany śpiecpasłańnikam Biełaha doma Styvam Uitkafam biez uliku pazicyi jeŭrapiejskich partnioraŭ i ŭtrymlivaje nastolki značnyja sastupki Maskvie, što mnohimi ŭsprymajecca jak faktyčna kapitulacyjny.
Viktar Orban nastojvaje, što Jeŭropa pavinna «nieadkładna i biezumoŭna» padtrymać inicyjatyvu Vašynhtona i pačać «pramyja pieramovy z Rasijaj». Bolšaść inšych krain ES, adnak, padkreślivajuć, što zastajucca ćviordymi prychilnikami padtrymki Ukrainy.
U tym ža liście vienhierski lidar zajaŭlaje, što Vienhryja nie padtrymaje nivodnaj novaj formy finansavaj dapamohi Ukrainie i nie dazvolić prymać takoje rašeńnie ad imia ŭsiaho Jeŭrasajuza.
Tym časam u Brusieli iduć pieramovy pra vykarystańnie zamarožanych rasijskich aktyvaŭ dla afarmleńnia 140‑miljardnaha reparacyjnaha kredytu dla Ukrainy. Kijeŭ padkreślivaje, što hetaje rašeńnie žyćciova važnaje dla stabilnaha finansavańnia Ukrainy ŭžo z 2026 hoda — biez dadatkovych vydatkaŭ dla jeŭrapiejskich padatkapłacielščykaŭ.
Vienhryja ŭvieś čas sprabuje tarmazić i vajskovuju, i finansavuju padtrymku Ukrainy, paralelna pahłyblajučy ŭłasnyja suviazi z Kramlom i vystupajučy suprać antyrasijskich sankcyj. U toj ža čas Budapiešt nieadnarazova traplaŭ u składanaje stanovišča praź niečakanyja pavaroty ŭ pazicyi Donalda Trampa adnosna Rasii.
Donald Tramp pastaviŭ Ukrainie termin — da čaćviarha 27 listapada — kab taja pahadziłasia z amierykanskimi ŭmovami. Pavodle jaho słoŭ, «Zialenski pavinien pryniać płan, inačaj — niachaj praciahvajuć vajavać».
Prezident Ukrainy ŭ adkaz skazaŭ u videazvarocie, što kraina pieražyvaje adzin z samych ciažkich momantaŭ u svajoj historyi i moža apynucca pierad vybaram pamiž «strataju hodnaści i ryzykaj stracić klučavoha partniora».
Jeŭrapiejcy adchilili płan Trampa pa Ukrainie ŭ jaho ciapierašnim vyhladzie
U Jeŭropie aburanyja namieram Trampa nahreć ruki na zamarožanych ES rasijskich aktyvach
Stała viadoma, jakija harantyi źbirajucca dać ZŠA Ukrainie ŭ vypadku pryniaćcia mirnaha płanu
U mirnym płanie ZŠA zaŭvažyli padazronyja rusizmy ŭ tekście
28 punktaŭ «mirnaha płana» ZŠA — poŭny śpis
Ciapier čytajuć
Toj samy masažyst raskazaŭ, navošta zdymaŭ hołych klijentak20
Kamientary