U Jeŭropie aburanyja namieram Trampa nahreć ruki na zamarožanych ES rasijskich aktyvach
Jeŭrapiejskija dypłamaty i čynoŭniki aburanyja płanam Donalda Trampa, jaki, jak piša vydańnie Politico, prapanuje vykarystoŭvać zamarožanyja rasijskija aktyvy nie tak dla padtrymki Ukrainy, jak dla atrymańnia prybytku ZŠA. Asnoŭnym aŭtaram idei nazyvajuć śpiecpasłańnika Trampa Styva Uitkafa. Niekatoryja jeŭrapiejskija pradstaŭniki navat zajavili, što «Uitkafu patrebny psichijatr».
Pakul Jeŭrasajuz niekalki miesiacaŭ sprabuje ŭzhadnić jurydyčnuju schiemu, kab vykarystoŭvać kala 140 miljardaŭ jeŭra rasijskich aktyvaŭ jak harantyju dla kredytu Ukrainie, amierykanski płan praduhledžvaje, što hetyja aktyvy buduć vykarystoŭvać dla finansavańnia amierykanskaj paślavajennaj rekanstrukcyi, a ZŠA atrymajuć z hetaha 50% prybytku.
U Brusieli taki padychod nazvali «skandalnym», «vulharnaj prajavaj stylu Trampa». Kali Jeŭropa šukaje sposab dapamahčy Ukrainie, to Vašynhton, pavodle słovaŭ jeŭrapiejskich palitykaŭ, choča tolki cynična zarabić na situacyi.
Akramia taho, ES baicca, što prapanova ZŠA jašče bolš uskładnić pieramovy ź Bielhijaj, u jakoj znachodzicca asnoŭnaja častka aktyvaŭ. Mienavita Brusiel pakul błakuje jeŭrapiejski płan, bo baicca, što ŭ vypadku, kali sankcyi suprać Rasii buduć skasavanyja, to Bielhiju prymusiać samu pakryvać straty.
Pavodle płanu ES, Ukraina pavinna atrymać kredyt prykładna na 140 miljardaŭ jeŭra, zabiaśpiečany pracentami ad zamarožanych aktyvaŭ, ale nie samimi aktyvami. Bielhija ž aścierahajecca ryzykaŭ dla siabie i pakul admaŭlajecca davać zialonaje śviatło.
28 punktaŭ «mirnaha płana» ZŠA — poŭny śpis
Z pačatku poŭnamaštabnaj vajny Jeŭrasajuz zapłaciŭ Rasii na 124 miljardy jeŭra bolš, čym vydzieliŭ na padtrymku Ukrainy
Kiraŭnica Euroclear: Kali ES vyrašyć kanfiskavać rasijskija aktyvy, my źvierniemsia ŭ sud
Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF
Krainy ES nie zdoleli damovicca pra vykarystańnie zamarožanych reziervaŭ Rasii dla dapamohi Ukrainie
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary