U HUR padziakavali amierykancam za vyzvaleńnie źniavolenych ukraincaŭ i adznačyli «kanstruktyŭnuju pazicyju kiraŭnictva Biełarusi»
Pradstaŭnik Hałoŭnaha ŭpraŭleńnia raźviedki Ministerstva abarony Ukrainy Andrej Jusaŭ padziakavaŭ usim datyčnym da viartańnia 31 ukrainca ź Biełarusi i zapeŭniŭ, što praca pa vyzvaleńni ŭkrainskich hramadzian z pałonu budzie praciahvacca, paviedamlaje «Interfaks-Ukraina».
«Chacieŭ by asobna padkreślić i adździačyć viadučuju rolu Złučanych Štataŭ Amieryki i prezidenta Donalda Trampa. Adznačyć varta asobna kanstruktyŭnuju pazicyju kiraŭnictva Biełarusi, bo našy hramadzianie siońnia doma, žyvyja i im akazvajecca dapamoha», — skazaŭ Andrej Jusaŭ u efiry telemarafona 22 listapada.
Asobna jon padziakavaŭ
«śpiecpasłańniku ZŠA ŭ Biełarusi Džonu Koŭłu, namieśniku pamočnika dziaržsakratara ZŠA pa pytańniach Jeŭropy Krystafieru Śmitu za pracu pa viartańni vajskoŭcaŭ i cyvilnych ukraincaŭ z terytoryi Biełarusi, i — što važna — z terytoryi Rasijskaj Fiederacyi: hetaja praca budzie pradaŭžacca».
«My, biezumoŭna, nie zaviaršajem hety kiejs, tamu što nam treba viartać svaich», — rastłumačyŭ jon.
Pavodle infarmacyi Andreja Jusava, vyzvalenyja ŭkraincy ŭtrymlivalisia ŭ Biełarusi ŭ roznych umovach, častcy ź ich pahražali praciahłyja terminy źniavoleńnia.
«Pieravažna heta ludzi, jakija ŭtrymlivalisia za praŭkrainskuju pazicyju, abvinavačvalisia ŭ dapamozie i sadziejničańni Ukrainie», — skazaŭ jon.
Siarod vyzvalenych jość žychary časova akupavanych terytoryj, ciažkachvoryja, u pryvatnaści na ankałohiju.
Pra pamiłavańnie Alaksandram Łukašenkam i vyzvaleńnie ź biełaruskich turmaŭ 31 źniavolenaha hramadzianina Ukrainy stała viadoma siońnia, 22 listapada. Heta žančyny i mužčyny, zatrymanyja na terytoryi Biełarusi i prysudžanyja da roznych terminaŭ źniavoleńnia — ad 2 da 11 hadoŭ. Uzrost samaj maładoj vyzvalenaj ukrainki — 18 hadoŭ, najstarejšamu — 58 hadoŭ.
Piersanalna pakul dakładna viadoma tolki pra vyzvaleńnie 18‑hadovaj Maryi Misiuk.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary