Na terytoryi byłoha klaštara kartezijancaŭ u Biarozie chočuć zrabić muziej i hatel
Na terytoryi byłoha klaštara kartezijancaŭ u Biarozie moža źjavicca muziejna-hatelny kompleks. Hetaje pytańnie ab abaronie i dalejšym vykarystańni histaryčnych ruin abmierkavali na pasiadžeńni Biarozaŭskaha rajvykankama. Metaj prapanavanaj inicyjatyvy źjaŭlajecca zachavańnie histaryčna-kulturnaj spadčyny, paviedamlaje sb.by.
Jak paviedamiŭ telehram-kanał rajvykankama, kancepcyju prapanavała načalnica adździeła kultury Taćciana Kavalok. Pavodle hetaj kancepcyi, u kalidory źleva ad ujaznoj bramy i ŭ kutniaj viežy mahła b raźmiaščacca muziejnaja ekspazicyja.
U budynku, što prymykaje źleva da pałaca Sapiehaŭ, prapanujecca zrabić kanfierenc-zału dla praviadzieńnia mierapryjemstvaŭ, u tym liku rajonnaha balu adoranaj moładzi. U pałacy na pieršym paviersie moža być restaran, a na druhim — hatel. U pamiaškańni sprava ad pałaca płanujuć raźmiaścić suvienirnuju kramu i majsterni.
Klaštar kartezijancaŭ u Biarozie — vialiki relihijny kompleks u styli baroka z abarončymi elemientami, jaki źjaŭlajecca pomnikam architektury XVII stahodździa. Inicyjataram budaŭnictva byŭ Kazimir Leŭ Sapieha, a praciahvałasia jano z 1648 pa 1689 hod. Kompleks uklučaŭ kamienny kaścioł, žyłyja karpusy, biblijateku, stałovuju, balnicu, apteku, haspadarčyja pabudovy, sad i vadajomy. Usio było abniesiena kamiennymi ścienami ź viežami i kaplicaj, hałoŭnym uvachodam słužyła masiŭnaja brama z bajnicami.
Siońnia ad klaštara zastalisia tolki brama i ruiny. Brama była adnoŭlenaja i stała simvałam Biarozy, jaje vyjavu navat źmiaścili na hierbie horada.
Ci achviaravać svaimi kroŭnymi dla prajekta kulturnaha adpačynku pa-salechardsku? Pra turkompleks u Kraskach
Pravajennaja malavalnica Žyhimont darvałasia sa svajoj vystavaj da Nacyjanalnaha mastackaha muzieja. Chto joj dapamoh?
U Minsku byŭ svoj šedeŭr Albrechta Dziurera. Dzie jon ciapier?
«I za 100 dalaraŭ nie addam, bo heta pamiać baćkoŭ». U Staŭbcoŭskim rajonie čałaviek 20 hadoŭ źbiraje i adnaŭlaje staryja rečy
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary