Lidary Kitaja i ZŠA praviali telefonnuju razmovu.
«Kitaj i ZŠA pavinny zachoŭvać pazityŭnuju dynamiku dvuchbakovych adnosin i prytrymlivacca pravilnaha kursu, kirujučysia pryncypami raŭnapraŭja, pavahi i ŭzajemnaj vyhady. Pra heta ŭ paniadziełak zajaviŭ staršynia KNR Si Czińpin», — paviedamlaje Sińchua.
Staršynia KNR nahadaŭ, što lidary dźviuch krain u minułym miesiacy praviali paśpiachovuju sustreču ŭ paŭdniovakarejskim Pusanie, dasiahnuŭšy mnostva važnych damoŭlenaściej.
Jak adznačyŭ kitajski lidar, hetaja sustreča dazvoliła skarektavać kurs hihanckaha karabla kitajska-amierykanskich adnosin i «nadać impuls jaho ŭpeŭnienamu ruchu napierad, pasłaŭšy pazityŭny sihnał usiamu śvietu».
Si Czińpin taksama rastłumačyŭ pryncypovuju pazicyju Kitaja pa Tajvaniu, padkreśliŭšy, što viartańnie Tajvania ŭ skład Kitaja źjaŭlajecca važnym nieadjemnym elemientam paślavajennaha mižnarodnaha paradku.
Nahadaŭšy, što Kitaj i Złučanyja Štaty u svoj čas zmahalisia plačo da plača z fašyzmam i militaryzmam, kitajski lidar ukazaŭ, što zaraz abiedźvium krainam tym bolš treba sumiesna abaraniać vyniki Pieramohi ŭ Druhoj suśvietnaj vajnie.
Tramp sa svajho boku adznačyŭ, što Si Czińpin źjaŭlajecca vialikim lidaram i što jon ź vialikaj radaściu pravioŭ ź im sustreču ŭ Pusanie.
«Prezident ZŠA poŭnaściu pahadziŭsia z pohladam staršyni KNR na adnosiny pamiž dźviuma dziaržavami i padkreśliŭ, što zaraz abodva baki ŭsiebakova realizujuć važnyja damoŭlenaści, dasiahnutyja na sustrečy ŭ Pusanie», paviedamlaje Sińchua.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary
A Biełaruś Vilniu nie chočiet viernuť? ...