Staršynia UNS Alaksandr Łukašenka na pasiadžeńni Prezidyuma Usiebiełaruskaha narodnaha schodu 25 listapada ahučyŭ jaho papiaredni paradak dnia. UNS zapłanavany na 18—19 śniežnia, piša BiełTA.
Płanujecca zvarot Łukašenki z Pasłańniem da biełaruskaha naroda i parłamienta. U adpaviednaści z abnoŭlenaj Kanstytucyjaj štohadovyja pasłańni zasłuchoŭvajucca tolki na placoŭcy UNS.
Pa-druhoje, schodu treba zaćvierdzić prahramu sacyjalna-ekanamičnaha raźvićcia krainy na nastupnuju piacihodku. Klučavyja jaje pałažeńni abmiarkoŭvalisia na niadaŭnim naradzie kiraŭnika dziaržavy z uradam i rabočaj hrupaj ź liku profilnych śpiecyjalistaŭ. «Stanoŭčaja dyskusija dała mahčymaść vysłuchać alternatyŭnyja punkty hledžańnia. Razumnyja prapanovy ŭličany», — padkreśliŭ Alaksandr Łukašenka.
«Jak i staviłasia zadača, prahrama nakiravana na pavyšeńnie dabrabytu i jakaści žyćcia ludziej». Pa jaho daručeńni dapracavanaja prahrama razdadziena delehatam UNS, jakija na miescach pavinny aktyŭna padklučycca da jaje abmierkavańnia.
Pa-treciaje, Usiebiełaruskamu narodnamu schodu nieabchodna vyrašyć kadravyja pytańni. Tak, treba abrać novaha člena prezidyuma UNS zamiest minułaha. «U nas kampaktny prezidyum, niepažadana, kab byli vakansii», — adznačyŭ Łukašenka.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary