Biełaruska z tyktoka daviedałasia, što jaje maci zahinuła na vajnie. A taja žyvaja-zdarovaja i nie źbirałasia vajavać za Rasiju

Nasta viadzie błoh u tyktoku. Darečy, jak i jaje małodšaja siastra Anhielina i maci Žanna. Usia siamja lubić zdymać zabaŭlalny kantent dla sacsietak. Ničoha niezvyčajnaha: pobytavyja historyi, raspakoŭki dy mukbanh (heta kali jaduć na kamieru). Rabili i žartaŭlivyja videa ŭ styli papularnaha karejskaha sieryjała «Hulnia ŭ kalmara».

Ale niadaŭna siamja stała achviaraj svajoj ža papularnaści.

U tyktok-akaŭncie «Aktualno na SVO» źjaviłasia videa, u jakim štučny intelekt hołasam Nasty radasna raspaviadaje:

«Heta my pravodzim našu mamu na SVA. Joj zusim niadaŭna adramantavali zuby i nabyli novaje adzieńnie. Na joj jaje lubimaja futbołka (z nadpisam «Paryžanka» — NN). Jana jašče žartavała, što choča ŭziać Paryž. My ź siastroj taksama nadzieli abnoŭki i pajechali pravodzić jaje ŭ darohu. Heta byŭ apošni raz, kali my bačyli jaje žyvoj. Tydzień tamu my atrymali vypłaty i adśviatkavali 40 dzion sa dnia śmierci maci».

@aktualno_na_svo Praporŝik Jelena Kovaleva pohibła, kohda mašina podorvałaś v tyłu na minnom pole iz-za toho, čto jeho nie nanieśli na karty. Dočieri Jeleny połučili vypłaty i otprazdnovali 40 dniej z daty pochoron #rośsija #svo #pohib #pochorony #vojna ♬ Last Hope - Steve Ralph

U podpisie da videa paznačana: «Praparščyk Alena Kavalova zahinuła, kali mašyna padarvałasia ŭ tyle na minnym poli z-za taho, što jaho nie nanieśli na karty».

U kanale paznačana, byccam tut publikujucca samyja śviežyja naviny z vajny. Taksama abiacajuć płacić za ekskluziŭny kantent.

Za piać dzion rolik nabraŭ bolš za 3 miljony prahladaŭ i kala 45 tysiač łajkaŭ. Šmat chto aburajecca słovam «adśviatkavali» ŭ kantekście śmierci.

Ale ž hałoŭnaje, viadoma, toje, što žančyna, jakuju nasamreč zavuć Žannaj, a nie Alenaj, žyvaja-zdarovaja i navat nie dumała iści vajavać za Rasiju.

Praz fejkavy rolik šmat ludziej znajšli i akaŭnty dačok Žanny i pačali pisać im niepryjemnyja słovy.

Sama ž Nasta ŭ šoku ad situacyi: jana kaža, što anałahičnyja videa ŭžo źjavilisia i ŭ jutubie. Žanna žartuje, što, imavierna, aŭtary fejkaŭ dadali joj jak minimum 50 hadoŭ da žyćcia — bo pachavać paśpieli ŭžo čatyry razy. Ale małodšaja dačka Anhielina davoli ciažka ŭsprymaje ŭsiu hetuju niepryjemnuju historyju.

@nas_sam_ @Aktualno na SVO ♬ orihinalnyj zvuk - th: Nas_sam

Dziaŭčyna sprabavała pahavaryć z administratarami tyktok-akaŭnta «Aktualno na SVO» i damahčysia vydaleńnia fejkavaha videa, ale tam jaje prosta zabanili.

Tym ža, chto ŭ kamientarach piša pra chłuśniu, administratar adkazvaje, byccam by Nasta sama ź imi źviazałasia i prasiła apublikavać hetaje videa, pry hetym abiacała zapłacić 10 tysiač rubloŭ (chutčej za ŭsio, havorka pra rasijskija): «Ale vypłat my pakul nie atrymali, a ciapier jana abvinavačvaje nas. Imavierna, dziaŭčyna vyrašyła chajpanuć na temie, padniać sabie prahlady i pašyryć aŭdytoryju».

Pavialičyć

Ciapier siamja prosić usich, chto pabačyć toj rolik, paskardzicca na jaho, i spadziajecca, što kali-niebudź tyktok usio ž jaho vydalić.

• 0
• 0
• 8
• 10
• 0
• 0
• 4
• 0