Žančyna chacieła kupić «haračy tur» u Jehipiet — zhareła bujnaja suma hrošaj u jaje na karcie
Žycharka Salihorska straciła 7700 rubloŭ, kali pasprabavała kupić «haračy tur» u Šarm-el-Šejch.
Žančynu pryvabiła prapanova, na jakuju jana natrapiła ŭ akaŭncie psieŭdaturfirmy «Kvitki ŭ leta» ŭ Instagram. Profil, na pieršy pohlad, padazreńniaŭ nie vyklikaje: jość dastatkova padpisčykaŭ, storys u zamacavańni i vodhuki klijentaŭ, paviedamlaje «Salihorski telekanał».
Kamunikacyja z «turahientam Anhielinaj» vialisia vyklučna praź pierapisku ŭ WhatsApp: miarkujučy pa skrynšotach, machlary zvanki skidvali, vydumlajučy roznyja apraŭdańni, čamu niazručna razmaŭlać.
Pieršy płaciož u 5000 rubloŭ pajšoŭ na zvyčajnuju bankaŭskuju kartku: tur pa lehiendzie byŭ admovačnym, hetaja suma nibyta naležała inšym turystam, jakija nie pajechali. Astatak žančyna pieraviała ŭžo na numar rachunka «turfirmy» praz ARIP.
Paśla hetaha ad Anhieliny, jakaja pierakonvała «ničoha nie prydumlać i nie rabić niervy na roŭnym miescy», nie było ni słychu ni duchu.
Akaŭnt «Bilety v leto» (by_bilety) — adno z samych viadomych fejkavych turahientstvaŭ, biełarusy traplajucca na jaho vudy nie ŭpieršyniu, nahadvaje Onliner. by.
Jašče ŭ śniežni 2024 hoda ŭ Hrodnie rasśledavali anałahičny vypadak: miascovaja žycharka pieraličyła ŭsio toj ža Anhielinie 3300 rubloŭ za «pucioŭku ŭ Dubaj», paśla čaho machlary źnikli. U kastryčniku 2025‑ha by_bilety znoŭ aktyvizavalisia ŭ Hrodnie i raźviali jašče dvuch žančyn na 7500 i 5199 rubloŭ.
Na dniach bresckaja milicyja apublikavała čorny śpis machlarskich staronak — «Bilety v leto» tam taksama jość. Akaŭnt tym časam žyvy, zdarovy i niekalki razoŭ na dzień prapanuje palacieć u Jehipiet sa skidkaj — budźcie ŭvažlivyja.
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž5
Kamientary