Zamiežny brend vypuściŭ pravakacyjnuju liniju adzieńnia na temu Čarnobyla
Internet-krama GeeksOutfit vystaviła ŭ prodaž novuju liniejku adzieńnia, pryśviečanuju trahiedyi na Čarnobylskaj AES. Asartymient źjaviŭsia napiaredadni 40‑hodździa katastrofy 1986 hoda i ŭžo vyklikaŭ dyskusii ŭ sacyjalnych sietkach, zaŭvažyŭ «Štodzień».
Usie pazicyi možna nabyć za sumy da 60 jeŭra, što robić kalekcyju adnosna dastupnaj dla šyrokaha koła pakupnikoŭ.
U liniejcy — chudzi i śvitšoty z chulihanskimi nadpisami, pravakacyjnyja malunki z sarkafaham, a taksama kaladnyja švedary sa znakami radyjacyi. Asobnaje miesca zajmaje fentezijnaje chudzi, aformlenaje ŭ styli paznavalnaha łahatypu Disney, tolki zamiest kazačnaha pałacu tam namalavany čaćviorty enierhabłok ČAES paśla vybuchu — zatoje ŭ jarkich, žyćciaradasnych viasiołkavych kolerach.
Kitajskaja kampanija GeeksOutfit pracuje ŭ farmacie internet-prodažaŭ, aryjentujecca na maładuju aŭdytoryju i časta vykarystoŭvaje pravakacyjnyja siužety dla pryciahnieńnia ŭvahi. Adnak čarnobylskaja tema ŭ hetym kantekście vyklikała pytańnie: ci maralna pieratvarać adnu z najbujniejšych technahiennych katastrof XX stahodździa ŭ modny mierč?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary