U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
Čynoŭniki Hrodzienskaj vobłaści raskazali, u jakim uzroście žychary rehijona stvarajuć siemji, naradžajuć dziaciej i jakija imiony vybirajuć dla svaich małych.
Samaj maładoj paraj, jakaja pabrałasia šlubam na Hrodzienščynie sioleta, stali 15‑hadovyja žanich i niaviesta ŭ Lidzie. Pry hetym siaredni viek žanichoŭ u Hrodzienskaj vobłaści składaje 32 hady, a niaviest — 30 hadoŭ.
U liku žanichoŭ i niaviest jość i pradstaŭniki starejšaha pakaleńnia — mužčyna va ŭzroście 83 hadoŭ i žančyna 78 hadoŭ, piša «Hrodzienskaja praŭda».
Niamała ŭ 2025 hodzie ŭ Hrodzienskaj vobłaści i internacyjanalnych šlubaŭ. Siarod žanichoŭ i niaviest — hramadzianie Łatvii, Kazachstana, Małdovy, Hviniei, Čechii, ZŠA, Hruzii, Italii i Sierbii. Lidarami pa kolkaści zaklučanych šlubaŭ z zamiežnikami stali hramadzianie Rasii: 69 žanichoŭ i 70 niaviest. Usiaho ž za dziesiać miesiacaŭ zarehistravana 252 šluby z zamiežnymi hramadzianami.
Za dziesiać miesiacaŭ 2025 hoda ŭ vobłaści naradziłasia 4999 dziaciej — 2566 chłopčykaŭ i 2433 dziaŭčynki. U 87 siemjach na śviet źjaviłasia dvojnia, a ŭ adnoj siamji — adrazu trajnia. Pieršyncy źjavilisia ŭ 1931 siamji, druhija dzieci — u 1733, trecija — u 868. Jość i takija siemji, u jakich naradziłasia šostaje, siomaje i navat vośmaje dzicia.
Siaredni ŭzrost baćkoŭ skłaŭ 32 hady ŭ tataŭ i 29 hadoŭ — u mam. Samym maładym baćkam akazaŭsia 16‑hadovy junak, samaj junaj mamaj — dziaŭčyna 15 hadoŭ. Samyja stałyja baćki — tata 60‑ci hadoŭ i mama — 47 hadoŭ.
Samym papularnym imiem dla novanarodžanych dziaŭčynak stała Safija — tak nazvali 130 dziaciej. Krychu radziej sustrakajucca takija imiony, jak Jeva, Hanna, Varvara, Alisa i Emilija. U liku redkich — Juna, Alimpija, Bažena, Lubava.
Siarod chłopčykaŭ palma pieršynstva ŭ imia Michaił — jaho vybrali dla 159 novanarodžanych. Papularnyja taksama Maćviej, Mark, Cimafiej, Alaksandr i Arciom. A siarod redkich mužčynskich imionaŭ možna sustreć Antonija, Prochara, Radzivona i Tomaša.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Dy nie z maskalami,
Maskali - čužyja ludzi,
Čyniać licha z vami.
(S) Janka Kupała, pierakład paemy "Kaciaryna" Tarasa Šaŭčenki /troški padkarektavany/
Voś tak lezuć, kurvy, da rasijcaŭ ŭ žonki (mužyki), a tyja potym kazaćmuć, što "myodinnarod".