Donald Tramp pryznačyŭ hubiernatara štata Łuizijana Džefa Łendry svaim śpiecyjalnym pasłańnikam pa Hrenłandyi.
Jon abhruntavaŭ heta tym, što Łendry razumieje, «nakolki važnaja Hrenłandyja dla našaj nacyjanalnaj biaśpieki, i jon budzie rašuča baranić intaresy našaj krainy».
Danija, jakoj naležyć Hrenłandyja, na čarhovaje prajaŭleńnie pretenzij Trampa na vostraŭ adreahavała z abureńniem. Ministr zamiežnych spraŭ Łars Lokie Rasmusen nazvaŭ pryznačeńnie śpiecyjalnaha pasłańnika «całkam nieprymalnym». Dacki ŭrad vyklikaŭ amierykanskaha pasła ŭ Kapienhahienie, kab vykazać svoj pratest, piša Bild.
Jašče padčas svajho pieršaha prezidenckaha terminu Tramp zajaŭlaŭ pra žadańnie anieksavać Hrenłandyju. Respublikaniec pry hetym padaje arhumienty nacyjanalnaj i «mižnarodnaj biaśpieki». Hrenłandyja i Danija rašuča adchilajuć hetyja pretenzii.
Kamientary