U Čavusach teścirujuć pieršuju ŭ Biełarusi sistemu aŭtamatyčnaj abviestki pra piešachodaŭ na ziebry
U Biełarusi pačałosia vyprabavańnie ajčynnaj «razumnaj» ziebry. Piłotny prajekt realizavany na ŭjeździe ŭ Čavusy (Mahiloŭskaja vobłaść). Pra toje, jak pracuje novaja technałohija, vydańniu «Na stražy» raspavioŭ padpałkoŭnik milicyi Uładzisłaŭ Bardziłoŭski.
Hałoŭnaja asablivaść ajčynnaj raspracoŭki — zdolnaść u realnym časie raspaznavać nabližeńnie čałavieka i imhnienna stvarać jaho maksimalnuju bačnaść, kaža Bardziłoŭski.
Z nadychodam ciemry sistema pierachodzić u dziažurny režym, słaba aśviatlajučy zonu ziebry. Adnak jak tolki datčyki ruchu fiksujuć piešachoda, zapuskajecca apaviaščeńnie: uklučajucca dadatkovyja mahutnyja pražektary, pačynaje mihać žoŭtaje śviatło i zaharajecca tabło «Uvaha, piešachod!». Sistema padaje hukavy sihnał i praciahvaje intensiŭnaje aśviatleńnie jašče 30 siekund paśla taho, jak čałaviek pierasiek prajeznuju častku.
Vybar mienavita hetaha miesca dla teściravańnia abumoŭleny pavieličeńniem patoku hruzavoha transpartu paśla rekanstrukcyi trasy.
Kali ekśpierymient u Čavusach pryznajuć paśpiachovym, takija «razumnyja» pierachody źjaviacca na asnoŭnych mahistralach krainy, u pryvatnaści na chutkasnych trasach M4 Minsk — Mahiloŭ i M5 Minsk — Homiel, dzie ryzyka najezdaŭ u ciemry z-za vialikaj chutkaści mašyn zastajecca vysokaj, kaža Bardziłoŭski.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?8
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary