U Hanie miascovy «prarok» abiacaŭ na Kalady suśvietny patop i padmanuŭ. Ludzi aburanyja
U Hanie palicyja zatrymała samazvanaha praroka pa mianušcy Eba Noj (sapraŭdnaje imia Evans Ešun), jaki abiacaŭ nadychod suśvietnaha patopu na Kalady, 25 śniežnia. Pra heta paviedamiła vydańnie My Joy Online.
Mužčyna staŭ viadomy naprykancy leta 2025 hoda, kali pačaŭ śćviardžać, što Ziamlu čakaje apakalipsis.
Na praciahu niekalkich miesiacaŭ u TikTok i YouTube źjaŭlalisia videa, na jakich 30‑hadovy mužčyna ŭ łachmanach kantraluje budaŭnictva draŭlanych sudnaŭ. Jon zajaŭlaŭ, što zakupiŭ bolš za 250 tysiač došak i što jahonyja kaŭčehi — adziny šaniec na vyratavańnie.
Usiaho takich «kaŭčehaŭ» płanavałasia pabudavać dziesiać, prytym «prarok» prapanoŭvaŭ ludziam vyratavańnie za hrošy — kožny achvotny moh apłacić sabie miesca na sudnie. Niekatoryja vieryli jamu nastolki, što pryjazdžali navat ź inšych krain z asabistymi rečami.
Adnak 25 śniežnia, nasupierak prahnozam, nijakaha patopu nie adbyłosia. Paśla hetaha Eba Noj zajaviŭ, što kaniec śvietu nibyta prosta adkłali dziakujučy jaho malitvam i trochtydniovamu postu.
Situacyja nabyła jašče bolš dziŭny charaktar, kali «prarok» źjaviŭsia na scenie padčas kancerta viadomaha ŭ Hanie repiera. Budučy ŭ svaim zvykłym adzieńni jon zaklikaŭ publiku viesialicca, bo pahroza apakalipsisu, pavodle jaho słoŭ, adkładziena. Adnak heta vyklikała vialikaje abureńnie siarod ludziej, jakija paličyli siabie padmanutymi.
31 śniežnia «praroka» aryštavali. Jamu inkryminujuć raspaŭsiud chłuślivaj infarmacyi, jakaja vyklikała strach i paniku, a taksama falšyvyja pradkazańni.
«Praz pakaleńnie ŭ Afrycy budzie naradžacca pałova ŭsich dziaciej śvietu». Čamu Paŭdniovaja Kareja vymiraje i čym cikavy prykład Izraila
Bajcy rasijskaha «Afrykanskaha korpusa» vykradajuć, hvałciać i zabivajuć mirnych žycharoŭ u Mali
Futbolnyja lehijaniery z Afryki raskazali, jak im zachodziać stravy biełaruskaj kuchni
Biełarus pracavaŭ u Afrycy i kupiŭ sabie babuina
Kamientary
I čym usia hetaja kancepcyja lepšaja ci horšaja za toje, što prydumaŭ toj Evans Ešun z Hany?
To pobač ź im na łavie padsudnych majuć siadzieć papa rymski, suśvietny patryjarch i ŭsie jahonyja kankurenty ź miascovych cerkvaŭ, muftyi, kiraŭniki pratestanckich kanfiesijaŭ dy im padobnyja, jakija hetak ža, jak i Evans, durać ludziej užo bolš za 2000 hadoŭ.
Ci heta abraza pačućciaŭ viernikaŭ, bo im vyšejpieraličanyja asoby kankretnuju datu "strašnaha sudu" pakul nie paznačyli?