Rasija dakazvaje, što USU udaryli ŭ Kupiansku pa svaich, ale Z-błohiery pryznajuć, što avijabombami nakryli kinutych rasijan
«Suviaź z chłopcami, na žal, stračanaja».
Prakramloŭski telehram-kanał Shot raspaŭsiudziŭ infarmacyju pra nibyta avijaŭdary pa centralnaj balnicy ŭ Kupiansku, dzie, pavodle ich paviedamleńniaŭ, chavalisia «najomniki» i vajskoŭcy USU.
U paviedamleńni śćviardžałasia, što častka «najomnikaŭ», jakich kamandavańnie USU nibyta kinuła ŭ haračaje miesca ŭ Kupiansku, sprabavała ŭratavacca ŭ balnicy, dzie budynak byŭ praktyčna źniščany, a «dziasiatki ŭnutry zahinuli».
Adnak Z-vajenkar Ramanaŭ abvierhnuŭ hetyja śćviardžeńni, nazvaŭšy prapahandystaŭ Shot «biespryncypnymi chłuślivymi miarzotnikami». Jon zajaviŭ, što ŭ balnicy chavalisia akružanyja rasijskija vajskoŭcy: budynak sapraŭdy byŭ pad abstrełam apošni tydzień, ale ŭdary nanosilisia pa ich, a nie pa «najomnikach».
Inšy Z-kanał «Pionier zapasa» taksama paviedamiŭ pra masavyja avijaŭdary pa susiednich budynkach i pa centralnaj balnicy na praciahu apošniaha tydnia i paabiacaŭ pakazać adpaviednyja videa. Raniej u hetym kanale byli apublikavanyja fota akružanych rasijskich vajskoŭcaŭ u Kupiansku.
Kanał adznačyŭ, što jany pa-raniejšamu ŭ akružeńni, ale trymajucca, chacia paźniej paviedamili pra stračanuju suviaź ź imi.
Minabarony Rasii: Kupiansk pad našym kantrolem. Z-błohiery: Bajcy ŭ akružeńni
Kolki jašče Ukraina zmoža ŭtrymlivać harady Pakroŭsk i Mirnahrad u Danieckaj vobłaści
Pucin prakamientavaŭ videa Zialenskaha z Kupianska, jaki rasiejcy abvieścili akupavanym
Dźvie ŭkrainki pajechali da steły ŭ Kupiansku, kab dakazać, što Zialenski sapraŭdy tam byŭ VIDEA
Zialenski pryjechaŭ u Kupiansk. Rasija śćviardžaje, što jon akružany
Kamientary
Slava U.&VKL