Uładzimir Zialenski paćvierdziŭ, što kiraŭnik Słužby biaśpieki Ukrainy Vasil Maluk sydzie ŭ adstaŭku
Sustrelisia z Vasilom Malukom. Padziakavaŭ jamu za bajavuju pracu i prapanavaŭ zasiarodzicca mienavita na takoj pracy», — havorycca ŭ zajavie Uładzimira Zialenskaha.
Raniej u paniadziełak ukrainskija ŚMI paviedamlali, što Maluk pahadziŭsia pakinuć pasadu kiraŭnika Słužby biaśpieki Ukrainy. Jašče raniej źjavilisia paviedamleńni pra namier Zialenskaha zvolnić Maluka na fonie inšych kadravych pierastanovak, u tym liku pryznačeńnia kiraŭnika vajennaj raźviedki Kiryła Budanava kiraŭnikom Ofisa prezidenta.
«Napieradzie — bolš ukrainskich «asimietryčnych apieracyj» suprać Rasii, bolš «mocnych vynikaŭ». Vasil Vasiljevič umieje heta lepš za ŭsio i mienavita hetym praciahnie zajmacca ŭ sistemie SBU», — zajaviŭ Zialenski.
«Daručyŭ Vasilu Maluku zrabić kirunak našych asimietryčnych apieracyj najmacniejšym u śviecie. Dla hetaha jość i resursy, i naležnaja palityčnaja padtrymka. Razam taksama abmierkavali kandydatury, kab vybrać novaha kiraŭnika SBU», — dadaŭ prezident Ukrainy.
Adstaŭku Maluka pavinna zaćvierdzić Viarchoŭnaja Rada Ukrainy. Sam jon napisaŭ: «Sychodžu z pasady kiraŭnika Słužby biaśpieki. Zastajusia ŭ sistemie SBU, kab realizoŭvać asimietryčnyja śpiecapieracyi suśvietnaha ŭzroŭniu, jakija i nadalej buduć nanosić vorahu maksimalnyja straty».
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
Prymušał i Prymusił
Navat paśla zvarota da hłaŭvierchhłaŭnakamanduščeha kamandziraŭ upłyvovych
Ni pasłuchał ofis Jermaka admoviŭsia vykonvać zahady suprać nabU pa mindičcukiermanach i voś ..
Z Załužnym jašče horš..
Heta kali kłopat ab sabie svaich i adsutničaje kłopat ab Ukrainie
..