18‑hadovy biełaruski futbalist pierajšoŭ u skład lidara čempijanatu Polščy
Maćviej Bachno budzie hulać za «Visłu» z Płocka.
Syn byłoha hałoŭnaha treniera «Hranita» ź Mikaševičaŭ Valeryja Bachno Maćviej z 11 hadoŭ žyvie z baćkami ŭ Polščy. Jon zajmaŭsia ŭ varšaŭskaj akademii «Delta», paśla čaho pierajšoŭ u strukturu paznańskaha «Lecha», piša football.by.
Da niadaŭniaha času Bachno vystupaŭ za «Lech-2», jaki hulaje ŭ čaćviortym dyvizijonie, adnak u hetym siezonie nie pravioŭ tam nivodnaha matču, vystupajučy ŭ maładziožnym pieršynstvie za kamandu U-19. Zatoje jon hulaŭ za «Lech II» u siezonie-2024/25, a taksama treniravaŭsia z asnoŭnaj kamandaj paznańskaha kłuba.
Ciapier 18‑hadovy centralny abaronca rostam 192 sm — hulec «Visły» z Płocka, jakaja lidziruje ŭ najmacniejšym polskim dyvizijonie paśla 18 turaŭ, u «Hurnika» z Zabže stolki ž bałaŭ — 30, pryčym «Visła» ŭ apošnich piaci matčach zhulała ŭničyju.
U minułym hodzie kłub hulaŭ u pieršaj lizie i prabiŭsia praz styki ŭ ekstrakłasu (vyšejšuju lihu). A «Lech» hod tamu staŭ čempijonam Polščy.
Maćviej taksama maje polskaje hramadzianstva.
Bachno vystupaŭ za junackuju (U-17), junijorskuju (U-19) zbornyja Biełarusi, a taksama pravioŭ dva matčy za moładzievuju (U-21) kamandu.
Kantrakt ź biełaruskim futbalistam raźličany da leta 2028 hoda.
Za «Visłu» taksama vystupaje biełaruski abaronca Hleb Kučko, jaki ŭžo maje dośvied vystupaŭ za nacyjanalnuju zbornuju Biełarusi. Adnak hety siezon jon pačaŭ u arendzie ŭ «Miedzi» ź Lehnicy (pieršaja liha)
U polskaj ekstrakłasie ŭ hetym siezonie hulajuć try biełarusy: Illa Škuryn za «HKS Katavicy», Hierman Barkoŭski za «Piast», Maksim Konanaŭ niadaŭna pierajšoŭ u «Jahiełoniju» ź Biełastoka.
Čempijanat adnovicca 30 studzienia.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary
Pamyłki:
1. Nie ŭ "Jahiełoniju", a "Jahiełoniju 2" - kamandu treciaha polskaha dyvizijonu.
2. Pierajšoŭ nie ŭ Biełastoku, a sa Skierniewice!