U piatnicu pratestoŭcy vyjšli na vulicy iranskich haradoŭ užo trynaccaty dzień zapar, niahledziačy na pahrozy ŭładaŭ užyć žorstkija miery i paviedamleńni pra toje, što za minułyja sutki siłaviki adkryvali ahoń i zabivali demanstrantaŭ. Padčas pratestaŭ zahinuli bolš za 50 čałaviek, paviedamlaje Reuters.
Za 13 dzion pratestaŭ u Iranie, vyklikanych hnievam suprać režymu i rostam koštu žyćcia, zahinuŭ bolš jak 51 pratestoviec, paviedamiła ŭ piatnicu narviežskaja pravaabarončaja arhanizacyja NGO Iran Human Rights.
«Prynamsi 51 pratestoviec, siarod jakich dzieviać dziaciej va ŭzroście da 18 hadoŭ, zahinuli, a sotni atrymali ranieńni na praciahu pieršych trynaccaci dzion novaha raŭndu ahulnanacyjanalnych pratestaŭ u Iranie», — paviedamiła NGO Iran Human Rights, pavialičyŭšy papiaredniuju ličbu ŭ 45 čałaviek, ahučanuju dniom raniej.
U toj ža čas iranskaja pravaabarončaja arhanizacyja HRANA zajaviła ŭ piatnicu, što zafiksavała jak minimum 62 śmierci, u tym liku 14 supracoŭnikaŭ sił biaśpieki i 48 pratestoŭcaŭ.
Prezident ZŠA Donald Tramp, jakina minułym tydni papiaredziŭ Tehieran, što ZŠA mohuć padtrymać pratestoŭcaŭ, u piatnicu vystupiŭ z čarhovym papiaredžańniem, zajaviŭšy: «Lepš nie pačynajcie stralać, bo my taksama pačniom stralać».
«Ja prosta spadziajusia, što pratestoŭcy ŭ Iranie buduć u biaśpiecy, bo ciapier heta vielmi niebiaśpiečnaje miesca», — dadaŭ jon.
U televizijnym zvarocie viarchoŭny lidar Irana ajatała Ali Chamieniei paabiacaŭ nie adstupać, abvinavaciŭšy demanstrantaŭ u tym, što jany dziejničajuć u intaresach apazicyjnych hrup za miažoj i ZŠA, a prakuror pahražaŭ pratestoŭcam śmiarotnym pakarańniem.
Ministerstva infarmacyjnych i kamunikacyjnych technałohij Irana zajaviła, što rašeńnie ab adklučeńni internetu było pryniata «kampietentnymi orhanami biaśpieki z ulikam ciapierašniaj situacyi ŭ krainie».
Na videa, apublikavanych dziaržaŭnym telebačańniem, pakazvalisia, jak śćviardžałasia, pałajučyja aŭtobusy, aŭtamabili i matacykły, a taksama pažary na padziemnych stancyjach mietro i ŭ bankach.
Na videa było vidać sotni ludziej, jakija pratestavali ŭ Tehieranie. Na adnym ź ich było čuvać, jak žančyna kryčała: «Śmierć Chamieniei!».
Inšyja łozunhi ŭklučali zakliki ŭ padtrymku manarchii, zrynutaj u 1979 hodzie.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary
Lutaŭskaja revalucyja 1917, Vieniesueła, Iran, chutka čarha Maskoŭskaj imieryi pryjdzie