Miedalami ŭznaharodžanyja Vałensa, Łandśbierhis, Łosik, Dulina, Miełkazioraŭ
Abjadnany pierachodny kabiniet Biełarusi uznaharodziŭ miedalami dzieviać vybitnych asob.
APKB pryniaŭ rašeńnie pra novaje ŭznaharodžvańnie miedalami «Za plonnuju pracu na karyść Biełarusi», «Niaskoranych» (Łarysy Hienijuš) i Kryžom Dabrasusiedstva.
Łaŭreaty naminavalisia hramadskimi arhanizacyjami i aktyvistami i byli ŭchvalenyja Kamisijaj pa ŭznaharodach pry APKB. Adpaviednaja pastanova padpisanaja 7 studzienia kiraŭnicaj Abjadnanaha Pierachodnaha Kabinieta Biełarusi Śviatłanaj Cichanoŭskaj.
Kabiniet pastanaviŭ:
Uznaharodzić miedalom «Za plonnuju pracu na karyść Biełarusi»:
Jarasłava Čarnahora — ukrainskaha daśledčyka i analityka, adnaho z arhanizataraŭ biełaruska-ukrainskaha forumu imia K. Astrožskaha ŭ 2022‑25 hh.
Ruścisa Kamuntavičusa — litoŭskaha historyka, suzasnavalnika Mižnarodnaha kanhresa daśledčykaŭ Biełarusi.
Inha Petca — niamieckaha žurnalista i piśmieńnika, jaki śpiecyjalizujecca na biełaruskaj kultury, kiraŭnika redakcyi pa Biełarusi anłajn-partała dekoder.org.
Mikitu Miełkaziorava — biełaruskaha žurnalista, błohiera, intervjujera.
Miedalom «Niaskoranych» (Łarysy Hienijuš) za asabistuju advahu, stojkaść i achviarnaść u dziejnaści na karyść prasoŭvańnia ideałaŭ demakratyi i pravoŭ čałavieka ŭ Biełarusi:
Natallu Dulinu — biełaruskuju linhvistku, pierakładčycu ź italjanskaj movy.
Uładzimira Łabkoviča — biełaruskaha pravaabaroncu, jurysta pravaabarončaha centra «Viasna», kaardynatara kampanii «Pravaabaroncy za svabodnyja vybary».
Ihara Łosika — biełaruskaha błohiera.
Kryžom Dobrasusiedstva za raźvićcio publičnaj dypłamatyi i pašyreńnie dyjałohu pamiž biełaruskim i inšymi narodami nastupnych hramadzian:
Lecha Valensu — polskaha dziaržaŭnaha dziejača i prafsajuznaha aktyvista.
Vitaŭtasa Łandśbierhisa — litoŭskaha palityka, dziaržaŭnaha i hramadskaha dziejača.
Taksama dźvie asoby buduć uznaharodžanyja niepublična.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary