Jurysta, jaki pajšoŭ u hiejmdyzajniery i stvaraŭ «Śviet karabloŭ», pasadzili za palityku na try hady
Valancin Tołkač vučyŭsia ŭ Krakavie i paśpieŭ pabudavać paśpiachovuju karjeru jurysta ŭ śfiery intelektualnaj ułasnaści. Paśla syšoŭ u IT stvarać kampjutarnyja hulni, pra što maryŭ ź dziacinstva. Viasnoj 2025 hoda jaho aryštavali.
Valancin Tołkač naradziŭsia ŭ Minsku ŭ 1996 hodzie. Jon skončyŭ jurydyčny fakultet BDU, dzie vyvučaŭ haspadarčaje prava, a paśla atrymaŭ stupień mahistra ŭ Jahiełonskim univiersitecie ŭ Krakavie pa śpiecyjalnaści «Intelektualnaja ŭłasnaść i novyja technałohii».
Karjeru pačynaŭ u Nacyjanalnym centry intelektualnaj ułasnaści, dzie pradstaŭlaŭ intaresy arhanizacyi ŭ Viarchoŭnym sudzie. Paźniej pracavaŭ jurystam u IT-kampanii Brightum, zajmajučysia pravavym supravadžeńniem fintech-prajektaŭ i kryptavalutnych startapaŭ.
Praź niekatory čas Valancin vyrašyŭ radykalna źmianić prafiesiju. U svaim profili jon pisaŭ, što zachaplaŭsia hulniami bolš za 20 hadoŭ i vyrašyŭ pieratvaryć chobi ŭ pracu. Z pačatku 2023 hoda jon pracavaŭ hiejmdyzajnieram u pieciarburhskaj studyi Lesta Games nad papularnym prajektam «Śviet karabloŭ» (World of Warships), a ź lipienia 2024 hoda pierajšoŭ u Gear Games, dzie zajmaŭsia raźvićciom mabilnaj stratehii Art of War 3.
U volny čas chłopiec hulaŭ u nastolnyja hulni i byŭ aktyŭny ŭ supolnaści amataraŭ nastołak pa suśviecie Warhammer 40000.
Tołkača zatrymali viasnoj 2025 hoda pa spravie Hajuna.
Valancina sudzili ŭ Minskim haradskim sudzie pa abvinavačańni ŭ «sadziejničańni ekstremisckaj dziejnaści» (č. 1 i č. 2 art. 361‑4 KK).
Pa infarmacyi «Viasny», Tołkaču prysudzili try hady kałonii.
«Naša Niva» — bastyjon biełaruščyny
PADTRYMAĆNajlepšy archivist Biełarusi — 2020 adnojčy danios na susiedziaŭ. U 2025‑m jaho samoha asudzili za palityku
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Fizika ź Instytuta jadziernych prablem asudzili za palityku. Jon raspracoŭvaŭ madeli supierkałajdaraŭ i pierakładaŭ Ubuntu na biełaruskuju
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii7
Kamientary
Jašče pytańni jość?