Fizika ź Instytuta jadziernych prablem asudzili za palityku. Jon raspracoŭvaŭ madeli supierkałajdaraŭ i pierakładaŭ Ubuntu na biełaruskuju
Viktar Haŭryłaviec pracavaŭ nad składanymi prablemami. Ale jaho asudzili za toje, što łukašysty nazyvajuć «sadziejničańniem ekstremisckaj dziejnaści».
Viktaru Haŭryłaŭcu 39 hadoŭ. Jon rodam ź vioski Miłašavičy, što na race Ubarć u Lelčyckim rajonie. Viktar skončyŭ fizičny fakultet BDU ŭ 2008 hodzie, a paralelna atrymaŭ druhuju vyšejšuju adukacyju pa śpiecyjalnaści «ekanamičnaja kibiernietyka».
Apošnija hady Viktar pracavaŭ navukovym supracoŭnikam u halinovaj łabaratoryi radyjacyjnaj biaśpieki Instytuta jadziernych prablem BDU, dzie zajmaŭsia daśledavańniami. Jon pisaŭ pra matematyčnaje madelavańnie fizičnych pracesaŭ i vyvučaŭ vypramieńvańnie ŭ kryštalach.
Viktar — suaŭtar publikacyj dla prajekta Future Circular Collider (FCC). Heta ambicyjny prajekt jeŭrapiejskaha supierkałajdara, jaki pavinien zamianić Vialiki adronny kałajdar. Viktar zajmaŭsia madelavańniem prachodžańnia čaścic praz vyhnutyja kryštali.
Jahonyja pracy cytujucca ŭ prestyžnych mižnarodnych časopisach — adna z prac, u jakoj jon paznačany suaŭtaram, cytavałasia amal 1100 razoŭ, što vielmi šmat dla navukovaha artykuła. Ahułam ža ŭ jaho bolš za 3000 cytavańniaŭ — vydatny vynik dla biełaruskaha vučonaha.
Akramia navuki, Viktar udzielnik supolnaści Open Source i papularyzatar biełaruskaj movy ŭ IT. U kamientarach jon pisaŭ, što zajmajecca pierakładam i intehracyjaj interfiejsaŭ Ubuntu, Inkscape i GNOME, kab biełarusy mahli kamfortna karystacca svabodnym softam na rodnaj movie.
Jon nie tolki pierakładaŭ, ale i vyčytvaŭ teksty inšych, tłumačačy heta žadańniem karystacca jakasnym praduktam: «Ja dałučyŭsia, bo chaciełasia karystacca Ubuntu biez prablem».
Viktara sudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa Biełarusi — «sadziejničańnie ekstremisckaj dziejnaści». Napeŭna, pieraśled źviazany sa spravaj Hajuna, ale dakładna heta nie viadoma.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach ci na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» adnosiać taksama praktyčna lubuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj. «Ekstremisckimi» ličacca i niepadkantrolnyja ŭładam vidy dziejnaści. U pryvatnaści, ułady zadniaj dataj kryminalizavali zbor infarmacyi pra aktyŭnaść rasijskich vojskaŭ u Biełarusi padčas napadu na Ukrainu ŭ 2022 hodzie, jaki pravodziła inicyjatyva «Biełaruski Hajun». U bot Hajuna pisali tysiačy ludziej, ciapier usich ich šukajuć.
Represii roznaha rodu zakranuli ŭžo kala 150 tysiač čałaviek, jašče niekalki socień tysiač vymušanyja byli pakinuć Biełaruś.
Haŭryłaŭcu prysudzili chatniuju chimiju.
«Naša Niva» — bastyjon biełaruščyny
PADTRYMAĆ
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary
Ž.d. stancyja. Da mužčyny padychodzić žančyna:
- Mołodoj čiełoviek, a vy nie znajetie, čto v etich mieškach?[na płatformie lažać miachi z sollu dla pasypki płatformy pry hałaledzicy]
- Nie znaju. Tielefon milicii 102.
Stanovicca zrazumieła, što sama žančyna zvanić na 102 nie budzie. Mužčyna praź niekatory čas abiraje rašeńnie pazvanić na infarmacyjnuju liniju Biełaruskaj Čyhunki 105.
Apieratarka 105 niezadavolena tym, što telefanuje čałaviek, jaki havoryć ź joju pa-biełarusku. Pieradaje na inšuju apieratarku, jakaja raptam zadaje pytańnie:
- Hdie, vy hovoritie, vidieli etu sumku?!
U vyniku materyał na mužčynu, jaki nikoli nie žyŭ u horadzie Mahilovie, traplaje u Leninskaje RUUS horada Mahilova. Prapanujecca uklučyć mužčynu u śpis terarystaŭ.
Voś tak i žyvom.
Darečy:
1. A dzie u Biełarusi patrabujucca ludzi z adukacyjaj u halinie fiziki?
2. Jak tak zdaryłasia, što čałaviek, jaki zajmajecca, pa sutnaści svajoj navukovaj pracy, fizikaj elemientarnych čaścin i vysokich enerhij, pracuje na ES, a ścipły zarobak atrymoŭvaje u prazaičnaj halinie radyjacyjnaj biaśpieki u Biełarusi?
3. Jak tak zdaryłasia, što u Biełarusi uvohule nichto nie zhadvaje pra fakt znachodžańnia dastupnaha dla zdabyčy urana mienavita u Lelčyckim rajonie?
4. Durny ton niepakoić zaraz byłoha studenta-vydatnika, hieołaha pa adukacyi, Paŭła Sieviarynca, ale...adfiltravanych adździełami kadraŭ u Biełarusi hieołahaŭ biełaruski uran absalutna nie cikavić.