U Indyi žabrak z prakazaj akazaŭsia ŭładalnikam nieruchomaści, aŭtamabila i biznesu

Jak paviedamlaje Daily Mail, u indyjskim horadzie Indor ułady sutyknulisia z historyjaj, jakaja vyhladaje jak siužet z kino.

50‑hadovy mužčyna, viadomy pad imiem Manhiłał, šmat hadoŭ byŭ pastajannaj fihuraj na rynku Sarafa. Jon nie moh chadzić z-za prakazy i pierasoŭvaŭsia, siedziačy sa skryžavanymi nahami na maleńkaj draŭlanaj płatformie z kołami. Kab nie paranić dałoni ab asfalt, jon zasoŭvaŭ ich u abutak, jakim adšturchoŭvaŭsia ad ziamli.

Niahledziačy na svoj stan, jon nikoli nie padychodziŭ da minakoŭ i nie praciahvaŭ ruku — zamiest hetaha jon moŭčki i nieruchoma zastavaŭsia na adnym miescy, ad čaho jaho stanovišča zdavałasia jašče bolš adčajnym.

Adnak hety vobraz razburyŭsia, kali ŭ miežach kampanii pa baraćbie z žabractvam u spravu ŭmiašalisia miascovyja ŭłady. U Indory aficyjna zabaroniena jak prasić miłaściny, tak i davać jaje tam. Miascovyja ŭłady zajaŭlajuć, što meta ich kampanii, raspačataj u lutym 2024 hoda, — dapamahčy ludziam vieści hodnaje žyćcio, a nie zaachvočvać vuličnaje žabractva.

Paśla taho, jak Manhiłała zabrali z vulicy, pamyli i vydali jamu čystuju vopratku, pravierka vyjaviła, što jon vałodaje aktyvami, jakija robiać jaho miljanieram u indyjskich rupijach. Vyśvietliłasia, što mužčyna vałodaje trochpaviarchovym domam, jašče adnym žyłym budynkam i kvateraj, atrymanaj ad dziaržavy pa sacyjalnaj prahramie. U hetaj kvatery jon žyŭ razam z baćkami. Akramia taho, na jaho byli aformleny lehkavy aŭtamabil i niekalki aŭtarykšaŭ, jakija mužčyna zdavaŭ u arendu, atrymlivajučy pastajanny prybytak.

A beggar in Indore turns out to be a millionaire; physically challenged Mangilal earned up to $11 daily

The rescued beggar owns 3 houses and car@JyotsnaKumar13 has more pic.twitter.com/cEeXOA7Yld

— WION (@WIONews) January 20, 2026

Padčas razmovy z čynoŭnikami Manhiłał pryznaŭsia, što hrošy, atrymanyja ad miłaściny, jon nie traciŭ na ježu ci leki, a pieratvaraŭ u abarotny kapitał. Mužčyna faktyčna vykonvaŭ rolu bankira dla miascovych handlaroŭ na tym samym rynku, dzie žabravaŭ. Jon pazyčaŭ im najaŭnyja hrošy na termin ad adnaho dnia da tydnia, a kožny viečar asabista abychodziŭ svaich klijentaŭ i źbiraŭ pracenty.

Ciapier ułady vyvučajuć bankaŭskija rachunki «miljaniera z truščobaŭ», a pieršym krokam pakarańnia stanie pazbaŭleńnie jaho sacyjalnaj kvatery, vydadzienaj dziaržavaj. Miž tym siamja Manhiłała sprabuje abaranić jaho reputacyju: plamieńnik mužčyny zajaŭlaje, što naviny pra bahaćcie dziadźki źjaŭlajucca pierabolšańniem i nieparazumieńniem.

• 1
• 0
• 9
• 3
• 1
• 1
• 0
• 0