«Pryjazdžajuć u radzilniu ŭ stanie apjanieńnia». Kiraŭnik Kuzbasa, dzie adbyłasia masavaja śmierć niemaŭlat, abvinavaciŭ mam
Hubiernatar Kiemieraŭskaj vobłaści Illa Sieradziuk prakamientavaŭ trahiedyju ŭ Novakuźnieckaj radzilni, dzie ŭ pačatku 2026 hoda pamierli dzieviać novanarodžanych.
Čynoŭnik vystupiŭ u abaronu miedykaŭ, zajaviŭšy, što viersija ab pamyłcy miedykaŭ niasłušnaja, bo ŭ kožnaha dziciaci byŭ svoj doktar, i jany nie mahli pamylicca adnačasova. Taksama jon adkinuŭ zdahadki pra najaŭnaść u balnicy ŭnutrybalničnaj infiekcyi.
Asnoŭnuju adkaznaść za zdareńnie Sieradziuk uskłaŭ na samich paradzich. «Trahiedyja, jakaja adbyłasia, tyčycca tych małych, bolšaść ź jakich byli niedanošanymi. Vaha pry naradžeńni ŭ niekatorych składała 600‑800 hramaŭ. Niekatoryja mamy nie naziralisia ŭ darodavy pieryjad naohuł. <…> Sumna kazać, ale budučyja mamy nie prosta nie sočać za svaim zdaroŭjem, ale ŭ niekatorych jość škodnyja zvyčki. Viadoma ž, niedapuščalna, što jany pryjazdžajuć u radzilniu na chutkaj u stanie apjanieńnia», — skazaŭ Sieradziuk.
Kamientary
Daišnik znajšoŭsia .