Tramp zaklikaŭ krainy, jakija paciarpieli ad zakryćcia Armuzskaha praliva, nakiravać tudy vajskovyja karabli
Prezident ZŠA Donald Tramp zaklikaŭ Kitaj, Francyju, Japoniju, Paŭdniovuju Kareju, Vialikabrytaniju i inšyja krainy nakiravać vajskovyja karabli ŭ Armuzski praliŭ, kab jon «pierastaŭ ujaŭlać pahrozu» z boku Irana. Pra heta jon napisaŭ u svaim paviedamleńni ŭ sacsietcy Truth Social 14 sakavika.
Tramp adznačyŭ, što Iran moža zapuskać drony abo rakiety ŭ bok praliva. Jon zaklikaŭ krainy, jakija paciarpieli ad mahčymaj błakiroŭki praliva, nakiravać karabli dla zabieśpiačeńnia adkrytaści i biaśpieki maršrutu.
«Spadziajusia, Kitaj, Francyja, Japonija, Paŭdniovaja Kareja, Vialikabrytanija i inšyja krainy, jakija paciarpieli ad hetaha štučnaha abmiežavańnia, nakirujuć karabli ŭ hety rajon, kab Armuzski praliŭ pierastaŭ ujaŭlać pahrozu», — napisaŭ Tramp.
Pry hetym prezident ZŠA dadaŭ, što Amieryka praciahnie vajennyja dziejańni suprać Irana i «chutka zrobić» Armuzski praliŭ biaśpiečnym i svabodnym.
Eskałacyja ŭ rehijonie pryviała da faktyčnaha błakavańnia Armuzskaha praliva — klučavoha maršrutu pastavak nafty i ZPH z krain Piersidskaha zaliva, što adbiłasia na ŭzroŭni ekspartu i zdabyčy enierharesursaŭ i pryviało da značnaha rostu cen na naftu i haz na suśvietnych rynkach.
Na fonie rostu cen ZŠA časova źniali sankcyi na prodaž rasijskaj nafty i naftapraduktaŭ, zahružanych na sudny da 12 sakavika, ale ministr enierhietyki ZŠA pry hetym adznačyŭ, što abmiežavańni suprać rasijskaj nafty ŭ cełym nie admianiajucca.
ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty
Tramp paabiacaŭ mocnyja ŭdary pa Iranie na nastupnym tydni
Tramp adpraŭlaje na Blizki Uschod 5 tysiač marskich piechacincaŭ
Rasija atrymlivaje 150 młn dalaraŭ dadatkovaha dachodu ŭ dzień ad rostu cen na naftu
Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
Kreml pra pasłableńnie sankcyj na naftu: Intaresy ZŠA i Rasii zblizilisia
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary
Kali i nadalej padtrymlivać svavolstvy Pucina-Trampa, to zaŭtra nafta budzie i pa 200 i pa 300 i tolki ź ichniaha dazvołu.
Jak Izrail dbaje tolki pra siabie, praihnaravaŭšy našyja jeŭrapiejskija kaštoŭnaści i kłopaty, to i ad Jeŭropy jašče na starcie atrymaŭ adkaz jak ź lusterka - "heta nie našaja vajna".
Nu a Tramp moža nie kukarekać ŭ sacsietkach, a paprasić dapamohi naprykład ŭ Danii, maŭlaŭ, dapamažycie mnie chutčej vyskačyć ź Irana, kab ja chutčej ulez u Hrynlandyju.