Top-čynoŭnik RPC nazvaŭ Zialenskaha, Parašenku i inšych prezidentaŭ Ukrainy «satanistami» i zaklikaŭ pieramahčy ich malitvaj i pastom
Słovy mitrapalita Kiryła zała sustreła praciahłymi apładysmientami.
Staršynia Sinadalnaha adździeła Ruskaj pravasłaŭnaj carkvy va ŭzajemadziejańni z uzbrojenymi siłami i pravaachoŭnymi orhanami mitrapalit Kirył (Pakroŭski) u paniadziełak na kanfierencyi nazvaŭ prezidenta Ukrainy Uładzimira Zialenskaha, jaho papiarednika Piatra Parašenku, inšych prezidentaŭ krainy i kiraŭnika ofisa Zialenskaha Kiryła Budanava «satanistami». Pavodle słoŭ Kiryła, dla pieramohi nad imi adnoj zbroi niedastatkova — patrebnyja malitva i post, piša «Ahienctva».
«Što možna zrabić suprać satanista Zialenskaha, satanista-terarysta Budanava, satanista Parašenki, amal usich prezidentaŭ ukrainskich — satanistaŭ, pačynajučy ź pieršaha, tak by mović, prezidenta. <…> Kolki tam satanistaŭ, jakich vychavali ŭnijaty, zachodniki, NATA i hetak dalej, i hetak dalej. Što suprać ich moža zrabić… tak, Zialenskaha možna, biezumoŭna… snarad moža prylacieć. Ale da kanca hety satanizm vyniščyć niemahčyma. Tamu, akramia prafiesijanalizmu voinaŭ, akramia zbroi, patrebnyja ŭ tym liku malitva i post. U Jevanhielli my čujem słovy Chrysta, kali apostały spytali: «čamu nie mahli my vyhnać djabła z hetaha junaka?» Jon kaža: «hety rod moža być pieramožany malitvaj i postam»», — skazaŭ mitrapalit Kirył na kanfierencyi «Abarona Pravasłaŭja i Ruskaha śvietu — zakład pieraŭtvareńnia Rasii» ŭ Centralnym domie Rasijskaj armii.
Słovy mitrapalita zał sustreŭ praciahłymi vopleskami.
Malitva ab pieramozie nad voraham — całkam zvyčajnaja źjava padčas vajny, prakamientavaŭ «Ahienctvu» vykazvańni mitrapalita Kiryła relihijaznaŭca Kanstancin Michajłaŭ. «Prezidentaŭ inšych krain zvyčajna nie nazyvajuć satanistami, ale ideja, što my zmahajemsia sa złom, taksama davoli zvykłaja», — skazaŭ Michajłaŭ.
U jakaści prykładu malitvy ab pieramozie nad voraham Michajłaŭ pryvioŭ malitvu patryjarcha Kiryła «ab Śviatoj Rusi», jakuju kiraŭnik RPC pračytaŭ 25 vieraśnia 2022 hoda. U joj patryjarch prasiŭ ab dapamozie, ale nie davaŭ acenak Ukrainie i jaje ŭładam.
Padčas navahodniaha malebnu ŭ śniežni 2025 hoda patryjarch zaklikaŭ malicca ab «dobrych pieramienach va Ukrainie».
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Błahosłovlajtie proklinajuŝich vas.
Ubijstvo, nasilije ,vorovstvo,lichoimstvo, dietiej diełajut sirotami, žion vdovami i t.d. - siekta RPC- "pravosłavnyje atieisty"