Za niezakonnaje pachavańnie chatniaha hadavanca biełarusam pahražaje vialiki štraf
U Biełarusi za niezakonnaje pachavańnie abo ŭtylizacyju cieła chatniaj žyvioły možna atrymać štraf da 1260 rubloŭ. Mnohija ŭładalniki navat nie zdahadvajucca, što zvykłaja praktyka — zakapać pamierłaha hadavanca ŭ dvary, na dačy, u lesie ci parku — źjaŭlajecca parušeńniem zakona, piša «Minskaja praŭda».
Pavodle biełaruskaha zakanadaŭstva, samastojna chavać žyvioł stroha zabaroniena, niezaležna ad miesca. Navat kali nichto śpiecyjalna nie budzie praviarać učastak, skarha susiedziaŭ moža stać padstavaj dla pryciahnieńnia da adkaznaści.
Jurysty tłumačać, što takija dziejańni niebiaśpiečnyja: pry raskładańni cieła mohuć zabrudžvacca hleba i hruntavyja vody, uźnikaje ryzyka raspaŭsiudžvańnia bakteryj, parazitaŭ i zachvorvańniaŭ, niebiaśpiečnych dla ludziej i inšych žyvioł.
Zakon «Ab adkaznym abychodžańni z žyviołami» i vieterynarna-sanitarnyja praviły praduhledžvajuć, što pachavańnie abo ŭtylizacyja ciełaŭ žyvioł pavinny adbyvacca tolki ŭ śpiecyjalna pryznačanych miescach i pa ŭstalavanych normach. Kateharyčna zabaroniena vykidać cieły žyvioł u śmiećcievyja kantejniery, vadajomy, bałoty, lasy abo vyvozić ich na palihony bytavych adkidaŭ.
Zachavańnie dapuskajecca tolki na śpiecyjalizavanych mahilnikach dla žyvioły, uzhodnienych z sanitarnymi i vieterynarnymi słužbami. Choć jany ŭ asnoŭnym pryznačanyja dla sielskahaspadarčych žyvioł, tam taksama mohuć biaśpiečna ŭtylizavać cieły chatnich hadavancaŭ. Za parušeńnie vieterynarnych patrabavańniaŭ Kodeks ab administracyjnych pravaparušeńniach praduhledžvaje štraf da 30 bazavych vieličyń.
Pry hetym u Biełarusi pakul nie isnuje aficyjnych mohiłak dla chatnich žyvioł, a stychijnyja pachavańni ličacca niezakonnymi.
Najbolš raspaŭsiudžanym i humannym zakonnym varyjantam źjaŭlajecca kremacyja. Jaje pravodziać śpiecyjalizavanyja arhanizacyi. Mahčymaja ahulnaja kremacyja, kali prach niekalkich žyvioł źmiešvajecca, abo indyvidualnaja — ź pieradačaj uładalniku urny z pracham. Niekatoryja kampanii prapanujuć uvieś kompleks pasłuh: eŭtanaziju, vyvaz cieła, kremacyju i viartańnie prachu.
Paśla hetaha prach možna zachoŭvać doma, raźviejać u pamiatnym miescy, pasadzić dreva abo ŭstalavać simvaličny pomnik. Kab raźvitacca z hadavancam zakonna, rekamiendujecca zafiksavać śmierć u vieterynara, vybrać dazvoleny sposab utylizacyi, arhanizavać transpartavańnie i stroha vykonvać usie sanitarnyja i pravavyja patrabavańni.
Špica ŭ Słucku skrali dla taho, kab nie było sumna inšamu sabaku
U Dziaržynskim rajonie kot uratavaŭ haspadyniu padčas pažaru
Baranavickaja rajonka raskazała historyju pra kaciania ŭ słoiku. Milicyja nazvała heta fejkam, stvoranym dziela chajpu
Sabaku pakinuli na dvare pry -15°S. Padrabiaznaści hučnaj historyi z Fanipala
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary
Heta bred, a kali ŭ lesie pamierła jakaja žyvioły, jana taksama niešta zabrudžvaje? Ničoha ź lesam nie stanie, kali tam pachavać žyviołu. Bolej za to, aŭtar sam kaža, što nijakich mohiłak dla žyvioł nie isnuje ŭ krainie.