Słavuty akcior Žan Reno vypuściŭ špijonski raman, pryśviečany vyvazu ŭkrainskich dziaciej u Rasiju
U francuzskim vydaviectvie XO Éditions na pačatku krasavika vyjšła kniha akciora L’Évasion («Ucioki»).
Hałoŭnaj temaj ramana stała vykradańnie i departacyja ŭkrainskich dziaciej Rasijaj padčas vajny, piša «Suśpilna».
Na sajcie vydaviectva adznačajecca, što raman spałučaje elemienty špijonskaha trylera z dakumientalnaj asnovaj, a taksama natchniony padziejami vajny Rasii suprać Ukrainy i zaklikany pryciahnuć uvahu mižnarodnaj supolnaści da prablemy niezakonnaj departacyi dziaciej.
U centry siužetu — byłaja masažystka Ema, jakuju vierbuje francuzskaja źniešniaja raźviedka DGSE. Pad prykryćciom jana adpraŭlajecca ŭ Sibir, kab praniknuć u tak zvany «reabilitacyjny łahier» dla ŭkrainskich padletkaŭ i zadakumientavać złačynstvy, u tym liku prymusovaje ŭtrymańnie i ideałahičnuju apracoŭku dziaciej.
Pavodle słoŭ Reno ŭ intervju vydańniu Télé 7 Jours, šturškom da napisańnia knihi stali realnyja historyi vykradzienych ukrainskich dziaciej. Jon adznačyŭ, što byŭ «nadzvyčaj šakavany» maštabami złačynstva.
«Ja ličyŭ varjactvam, što hetych dziaciej vykradajuć dla pramyvańnia mazhoŭ. Ja nie rablu palityčnaj zajavy; ja chacieŭ pieratvaryć heta ŭ raman», — kaža akcior.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym8
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary