Cełaja hrupa indyjcaŭ prosić ułady Indyi ŭratavać ich ź Biełarusi
U Biełarusi apynułasia hrupa ź dzieviaci hramadzian Indyi, jakija zastajucca biez pracy i naležnaha pražyvańnia, i ciapier jany prosiać urad Indyi dapamahčy im viarnucca na radzimu, paviedamlaje vydańnie Reform.news sa spasyłkaj na indyjskaje vydańnie The Hindu.
Žonka adnaho ź indyjcaŭ, T. Tchanhasvami, raskazała, što jaje muž u śniežni 2025 hoda pajechaŭ u Biełaruś praz ahienctva pracaŭładkavańnia, zapłaciŭšy 400 tysiač rupij (kala 4400 dalaraŭ). Za amal dva miesiacy znachodžańnia ŭ Biełarusi jamu nie dali ni pracy, ni žylla, ni charčavańnia.
Sam Tchanhasvami paviedamiŭ, što spačatku ahienctva abiacała jamu pracu ŭ Izraili, ale paśla atrymańnia hrošaj pierastała vychodzić na suviaź. Tolki praz hod jaho i inšych rabotnikaŭ nakiravali ŭ Biełaruś.
Indyjcy skardziacca, što ahienctva nie daje jasnych adkazaŭ, a jany sutykajucca z «vialikimi ciažkaściami ŭ čužoj krainie» z mocnymi śniehapadami. Jany prosiać urad Indyi vyrašyć ich prablemu i dapamahčy viarnucca dadomu.
Raniej u takoj ža situacyi była žančyna z toj ža Indyi, jakaja taksama pajechała ŭ Biełaruś praz ahienctva i zastałasia biez pracy i hrošaj. Paśla taho, jak jaje historyja trapiła ŭ ŚMI, umiašalisia biełaruskija siłaviki, paśla čaho žančyna zmahła viarnucca na radzimu.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary