Biełaruski hurt Relikt, udzielniki jakoha ŭžo niekalki hadoŭ žyvuć i pracujuć za miežami krainy, pradstaviŭ novy studyjny albom pad nazvaj Ramantyzm. U reliz uvajšło vosiem kampazicyj. Albom dastupny dla prasłuchoŭvańnia i zapampoŭki na papularnych muzyčnych płatformach — Spotify, Apple Music, KION Music, Play, a taksama na YouTube.
Jak adznačaje ŭ recenzii na novy albom aŭtar telehram-kanała «Biełaruskaja muzyka» Alaksandr Čarnucha, Relikt — hurt, jaki pastajanna raźvivajecca, ale nie stračvaje ŭłasnaha stylu. Prajšoŭšy šlach ad hranžu i postmietału da asensavańnia biełaruskaj tradycyi i rok-kłasiki, muzyki pryjšli da alboma Ramantyzm — cełasnaj i samadastatkovaj raboty biez patreby ŭ žanravych jarłykach.
U albomie adčuvajucca ŭpłyvy roznych hurtoŭ, ale jany nie zasłaniajuć ułasnyja mocnyja pieśni. Tut u poŭnaj miery raskryŭsia kampazitarski talent Relikt: kampazicyi šmatsłojnyja, składanyja, ale harmaničnyja i pakazvajuć hurt u najlepšaj formie.
Asobnaj vartaści zasłuhoŭvaje liryka Alaksandra Dziemidzienki — kanceptualnaja, emacyjna dakładnaja i źmiastoŭnaja. Takim čynam, padsumoŭvaje recenzient, Ramantyzm — pryhožy i trahičny albom, jaki raskryvajecca pry paŭtornym prasłuchoŭvańni.
Niekalki hadoŭ tamu ŭdzielniki Relikt byli vymušanyja pakinuć radzimu praz palityčny cisk. U emihracyi hurt praciahnuŭ aktyŭnuju pracu i vydaŭ niekalki albomaŭ. U 2022 hodzie vyjšaŭ dysk Byli, Jość, Budziem ź pieraasensavańniem piesień znakavych biełaruskich vykanaŭcaŭ 1980— 1990‑ch hadoŭ. U 2024 hodzie Relikt zapisaŭ kampazicyju Biełaruś maja, novuju viersiju viadomaj pieśni Sieržuka Sokałava-Vojuša «Aksamitny letni viečar».
Uvohule na siońnia ŭ dyskahrafii hurta ŭžo dzieviać studyjnych albomaŭ. Relikt nieadnarazova atrymlivaŭ prestyžnyja muzyčnyja ŭznaharody ŭ Biełarusi i Polščy, vystupaŭ u roznych krainach, u tym liku va Ukrainie i Litvie.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj30
Kamientary