U mocnyja marazy rezka pavialičyŭsia popyt na pasłuhi techničnaj padtrymki.
Kiroŭcy časta nie mohuć samastojna zavieści aŭtamabil, kali ŭ mašynie sieŭ akumulatar, a pravadoŭ dla «prykurvańnia» niama. Jak vyśvietliła ahienctva Minsk-Naviny, u stalicy zapuścić akumulatar lehkavaha aŭto možna za 25 rubloŭ.
Śpiecyjalisty słužbaŭ techdapamohi kažuć, što ŭ mocny maroz čaściej za ŭsio ŭźnikajuć prablemy z zapuskam ruchavikoŭ mienavita z-za akumulataraŭ. Pryčym heta nie zaležyć ad marki i hoda vypusku aŭto. Kiroŭcam rajać zalivać poŭny bak paliva i zabirać akumulatar dadomu, u ciapło, kab nie źnikała jomistaść.
U staličnych słužbach aŭtapamohi rascenki na zimovyja pasłuhi dla mašyn prykładna adnolkavyja. «Prykuryć» lehkavoje aŭto možna ad 25 rubloŭ i vyšej, hruzavik — ad 70 rubloŭ.
Kali bak pusty, dastaŭka patrebnaha abjomu paliva abydziecca ŭ sumu ad 50 rubloŭ. Pry hetym pravierka na miescy pracy hienieratara, startara i stanu batarei moža być biaspłatnaj.
Ale pierad vyklikam kiroŭcy musić upeŭnicca ŭ niepracoŭnaści akumulatara. Bo, kali aŭtamabil nie zavioŭsia pa inšych pryčynach (naprykład, z-za pałomki startara, sistem ruchavika, zamiarzańnia abo adsutnaści paliva), pryjdziecca apłačvać poŭny košt pasłuhi. Tamu spačatku treba pravieryć, ci harać fary, pracuje abdźmuvańnie škła i hetak dalej.
Jak raskazali ŭ adnoj sa staličnych kampanij, apošnimi dniami kolkaść zvankoŭ z prośbaj ab dapamozie pavialičyłasia ŭ niekalki razoŭ, i evakuatar u ich pracuje kruhłasutačna. Pieravieźci lehkavoje aŭto vahoju ad 2 ton, u tym liku ŭniviersał, siedan, chetčbek, budzie kaštavać ad 100 rubloŭ.
U inšaj słužbie aŭtadapamohi raskazali, što za evakuacyju lehkavaha aŭto biaruć 70 rubloŭ i vyšej, minivena — ad 75 rubloŭ, usiedarožnika — ad 80 rubloŭ.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary