Kansultacyja Lizaviety Hajdukievič kaštuje 25 dalaraŭ.
Dačce deputata i staršyni ŁDPB Aleha Hajdukieviča ciapier 21 hod. Jana skončyła BDU pa śpiecyjalnaści «Psichałohija» (miedycynskaja), ciapier praciahvaje vučycca ŭ mahistratury i piša mahistarskuju pracu, pryśviečanuju temie śmierci.
U svaim instahramie dziaŭčyna raspaviadaje, što dadatkova vučyłasia aryjentavanaj na rašeńni karotkaterminovaj terapii, kahnityŭna-pavodnickaj terapii i mindfulness. Taksama padkreślivaje, što maje dośvied pracy ŭ navukovym adździele RNPC psichičnaha zdaroŭja.
Lizavieta piša: «Dla mianie važna, kab kansultacyja była biaśpiečnaj prastoraj, dzie možna adkryta havaryć i adčuvać padtrymku i pryniaćcie».
Na terapiju psichołah zaprašaje tych, kamu bolš za 14 hadoŭ. Pracuje jana anłajn, za 50 chvilin kansultacyi prosić 25 dalaraŭ. Abiacaje, što dla vyrašeńnia prablemy budzie dastatkova ad troch da dziesiaci sustreč.
Pa słovach dziaŭčyny, da jaje čaściej za ŭsio źviartajucca z takimi zapytami jak tryvoha, vyharańnie, samaacenka, adnosiny, matyvacyja, stomlenaść, prakrastynacyja.
A ŭ svaim akaŭncie Lizavieta tłumačyć, čamu časam ludziej pužajuć pieramieny, navat kali jany ich vielmi chočuć.
Nahadajem: u Aleha Hajdukieviča jość dźvie dački. Małodšaja Hanna jašče vučycca ŭ škole. Niadaŭna jon raskazvaŭ, što małodšaja dačka patrabuje ad jaho jak ad deputata dabicca admieny chatnich zadańniaŭ dla školnikaŭ.
Aleh byŭ u šlubie z Maryjaj Hajdukievič, dačkoj Valancina Šuchno, byłoha staršyni Dziaržaŭnaha kamiteta pa kaštoŭnych papierach. Ale ŭ 2022 hodzie Hajdukievič pryznaŭsia, što raźvioŭsia.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj22
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary