U Rasii školnik zabiŭ čynoŭnika, jaki adkazvaŭ za błakavańnie internetu
Chłopiec pilnavaŭ, kali supracoŭnik Raskamnahladu budzie vychodzić z pracy.
U Maskvie zabity vysokapastaŭleny supracoŭnik Raskamnahladu Alaksiej Bialajeŭ, paviedamlaje kanał «VČK-OHPU». Toj supracoŭnik adkazvaŭ za błakiroŭki i zapavolvańnie trafiku. Za zabojstva zatrymali 16‑hadovaha školnika Arcioma.
Zabojstva zdaryłasia jašče 19 studzienia.
Pra heta telehram-kanał daviedaŭsia vypadkova z paviedamleńnia maci chłopca, jakaja sprabavała znajści ŭ sacsietkach advakata dla syna. Potym jana vydaliła hetuju infarmacyju.
Maci školnika pisała ŭ sacsietkach, što jaje syn udaryŭ čynoŭnika nažom u hrudzi, kali toj vychodziŭ z ofisa Raskamnahladu. Jamu inkryminujuć č.2 art. 105 Kryminalnaha kodeksu Rasii (zabojstva pa matyvach palityčnaj i ideałahičnaj nianaviści).
Maci pisała, što jaje syn byŭ suprać dziejnaści Raskamnahladu i rychtavaŭ napad.
Chłopiec vučyŭsia dobra, vioŭ jutub-kanał, zachaplaŭsia hulniami i animacyjaj.
Alaksiej Bialajeŭ pracavaŭ u Raskamnahladzie bolš za 10 hadoŭ. Na momant zabojstva jon byŭ namieśnikam načalnika adździeła kantrolu i nadhladu ŭ śfiery suviazi. Hety adździeł błakiruje asobnyja sajty i kanały.
Raźviedka ZŠA: Biełaruś stała pieradavym vajskovym płacdarmam Rasii24
Kamientary
[Zredahavana]
Chłopčyk prosta chacieŭ žyć jak usie sučasnyja ludzi va ŭsim śviecie: vieści błohi ŭ jutubie, hulać u hulni, malavać mulciki.
Ale ž naradziŭsia nie ŭ toj krainie....
Dzie chvoryja na hałavu dziadźki błakujuć internet i honiać moładź pamirać u akopach na zachopnickaj vajnie.