Na jakich mieteastancyjach Biełarusi pabili sutačnyja tempieraturnyja rekordy, raskazali ŭ Biełhidramiecie.
«U Biełarusi praktyčna štohod tempieratura pavietra moža apuskacca da minus 20 hradusaŭ i nižej, časam, prykładna raz na piać hadoŭ, možna čakać panižeńnia da minus 25 hradusaŭ i nižej. I zbolšaha hetyja panižeńni prypadajuć na studzień — luty. Pačatak lutaha ŭ hetym hodzie vydaŭsia chałodnym. Tempieratura ŭ načnyja hadziny apuskałasia da 20 hradusaŭ marozu i nižej, miescami da minus 25 i nižej», — patłumačyli sinoptyki.
Tak, 2 lutaha ŭ Biełarusi byli pabityja sutačnyja rekordy minimalnaj tempieratury pavietra na niekalkich mieteastancyjach.
Novyja značeńni zafiksavanyja ŭ Vysokim (-24,2 °C), Stoŭbcach (-26,9 °C), Hancavičach (-28,9 °C), Ašmianach (-27,8 °C) i na Paleskaj (-31,1 °C).
Papiarednija rekordy dla hetaj daty byli ŭstanoŭlenyja ŭ 2012 hodzie. Samyja nizkija tempieratury 2 lutaha adznačany na Paleskaj (-31,1 °C) i ŭ Žytkavičach (-30,2 °C).
Absalutny minimum dla 2 lutaha pa krainie zastajecca za Hrodnam (1970 hod) — -33,4 °C.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary