Za rulom dypłamatyčnaj mašyny, jakaja sutyknułasia z palicejskim aŭto ŭ Biełastoku, byŭ konsuł Biełarusi ŭ Aŭstryi
Kiroŭcam aŭtamabila z dypłamatyčnymi numarami, jaki 1 lutaha staŭ udzielnikam DTZ z mašynaj polskaj palicyi ŭ Biełastoku, byŭ konsuł Biełarusi ŭ Aŭstryi. Pra heta paviedamiła hazieta Wyborcza sa spasyłkaj na palicyju Padlašskaha vajavodstva, piša «Biełsat».
Pavodle słoŭ pradstaŭnicy palicyi Ahnieški Ulman, 47‑hadovy mužčyna sam pradstaviŭsia biełaruskim konsułam.
Avaryja adbyłasia kala 6:30 ranicy 1 lutaha na kalcavoj raźviazcy vulic Paleskaj i Juravieckaj. Mašyna dypkorpusa nie sastupiła darohu i sutyknułasia z palicejskim aŭtamabilem.
U vyniku zdareńnia paciarpieła supracoŭnica palicyi — jaje dastavili ŭ balnicu, ale paśla ahladu adpuścili. Abodva kiroŭcy byli ćviarozyja, nichto nie sprabavaŭ uciačy ź miesca avaryi. Kiroŭcu aŭtamabila dypkorpusa vynieśli papiaredžańnie.
Jak adznačaje «Biełsat», Biełaruś maje ambasadu ŭ Aŭstryi i ambasadara — 62‑hadovaha Andreja Dapkiunasa. Konsułam na sajcie ambasady paznačany pieršy sakratar Andrej Maroz, ale jahonaje imia jość tolki na biełaruskaj i anhlijskaj viersijach staronak, niama na ruskaj i niamieckaj.
Ministerstva zamiežnych spraŭ Biełarusi, a taksama ambasady Biełarusi ŭ Polščy i Aŭstryi pra heta darožnaje zdareńnie nie paviedamlali.
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary