Zialenski dapuściŭ, što nastupnyja trochbakovaja sustreča pa Ukrainie projdzie ŭ ZŠA
Prezident Ukrainy prakamientavaŭ vyniki druhoj trochbakovaj sustrečy ŭ farmacie Ukraina — Rasija — ZŠA, što skončyłasia ŭčora ŭ Abu-Dabi.
«Była spravazdača našaj pierahavornaj kamandy paśla dvuch dzion sustreč i pieramoŭ u Emiratach z amierykanskim bokam i z rasijskim bokam. Čakaju kamandu ŭ Kijevie dla paŭnavartasnaj spravazdačy: šmatlikija aśpiekty niemahčyma abmierkavać praz telefon. Z taho, što ŭžo možna skazać, — najbližejšym časam płanujucca nastupnyja sustrečy. Vierahodna, u Amierycy», — paviedamiŭ Uładzimir Zialenski ŭ svaim telehram-kanale.
Jon dadaŭ, što Ukraina hatovaja da ŭsich pracoŭnych farmataŭ, jakija mohuć realna nablizić mir.
«Važna, kab hetaja vajna skončyłasia tak, kab u Rasii nie było ŭznaharody za ahresiju. Heta adzin z klučavych pryncypaŭ, jakija viartajuć i harantujuć sapraŭdnuju biaśpieku», — napisaŭ prezident Ukrainy.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary