«Architekturnaje aśviatleńnie i bieton». Novyja stancyi mietro nie buduć padobnyja na papiarednija
Na hetym tydni stała viadoma, što try novyja stancyi Zialenałužskaj linii płanujuć zapuścić u najbližejšuju piacihodku.
Pra toje, jak buduć vyhladać novyja stancyi, haziecie «Minski kurjer» raskazali ŭ «Minskmietraprajekcie». I paviercie, nam budzie čamu ździvicca, piša Onliner.by.
— Prymienim asablivyja rašeńni, jakija raniej nie vykarystoŭvali pry afarmleńni takoha rodu abjektaŭ, — architekturnaje aśviatleńnie i bieton. Majem namier dasiahnuć mastackaha efiektu za košt nie azdableńnia, a taniravańnia i architekturnaha aśviatleńnia.
«Pieraspa» i «Kamaroŭskaja» stanuć blizkimi pa kanstruktyvu, ale roznymi pa dyzajnie.
Tak, pieršuju aformim u błakitnaj kalarovaj hamie — jaje ŭpryhožać śviacilni, jakija buduć asacyjavacca ŭ pasažyraŭ z vodnaj płyńniu. Druhaja ž apraniecca ŭ ahniavyja tony.
Takim čynam, maksimalna adydziem ad azdobnictva, addadzim pieravahu architekturnym pryjomam, — rastłumačyŭ pieršy namieśnik dyrektara — hałoŭny inžynier «Minskmietraprajekta» Hieorhij Pratasaŭ.
— Adznaču: pracavać davodzicca ŭ niaprostych umovach. Siarod asablivaściej učastka Zielenałužskaj linii ad «Jubilejnaj płoščy» da «Parku Družby narodaŭ» vysoki ŭzrovień hruntavych vod. Dla praduchileńnia ŭspłyvańnia stancyj pryjšłosia praduhledzieć miery pa ich uciažarvańni, uzmacnieńni hidraizalacyi i ŭkaranieńni śpiecyjalnych kanstruktyŭnych rašeńniaŭ, — raspavioŭ śpiecyjalist.
Što tyčycca čaćviortaj haliny mietro, to zaraz viadziecca raspracoŭka prajektnaj dakumientacyi pieršych troch stancyj. Ź jakoha ŭčastka pačniecca ŭźviadzieńnie, pakul nie vyznačana. Adnak jość meta vyjści na placoŭku ŭžo ŭ 2027-m. Nahadajem: trasa linii pradubluje druhoje aŭtatranspartnaje haradskoje kalco, dziakujučy čamu rajon płoščy Banhałor («Park Družby narodaŭ») złučycca ź Viaśniankaj. Miarkujecca, što pierasadačnymi buduć šeść stancyj z płanavanych 16.
Kamientary