18‑гадовую лыжніцу Лізавету Хлусовіч, якая была сцяганосцам зборнай Малдовы на адкрыцці Алімпійскіх гульняў 2026 года ў Італіі, абвінавацілі ў падтрымцы прэзідэнта Расіі Уладзіміра Пуціна, расійскай арміі і вайны ва Украіне.
Як паведамляецца, карыстальнікі з Малдовы знайшлі яе старонку ў сацыяльнай сетцы «ВКонтакте», дзе спартсменка была падпісана на некалькі прарасійскіх суполак, у тым ліку прысвечаных расійскай арміі, Пуціну і ваенным зводкам.
Праз некалькі гадзін пасля з’яўлення гэтай інфармацыі ў СМІ старонка Хлусовіч была часткова ачышчаная: яна змяніла імя профілю, адпісалася ад шэрагу прарасійскіх груп, аднак фота і відэа яшчэ заставаліся даступнымі. Ужо 9 лютага акаўнт быў цалкам выдалены.
Лізавета Хлусовіч нарадзілася ў Расіі. Яе маці — біятланістка Наталля Леўчанкова, якая таксама выступала за Малдову і лічыцца самай паспяховай спартсменкай краіны ў зімовых відах спорту.
Сітуацыя выклікала незадаволенасць у часткі малдаўскіх спартыўных чыноўнікаў. Раней старшыня Федэрацыі барацьбы Малдовы Іван Георгіу крытыкаваў той факт, што на зімовых Алімпійскіх гульнях краіну прадстаўляюць адразу чатыры спартсмены расійскага паходжання.
Усяго Малдову на Алімпіядзе ў Італіі прадстаўляюць пяць атлетаў, з якіх чацвёра нарадзіліся ў Расіі: Лізавета Хлусовіч, а таксама біятланісты Аліна Стрэмавус, Павел Магазееў і Максім Макараў.
Алімпіяда яшчэ толькі пачалася, а заваяваныя медалі ў некаторых прызёраў ужо паламаліся
Лыжнік з Гаіці заняў на Алімпіядзе апошняе месца, але сарваў апладысменты
Ліндсі Вон знаходзіцца ў стабільным стане пасля падзення на Алімпіядзе-2026
Віцэ-прэзідэнта ЗША і амерыканскую дэлегацыю асвісталі падчас адкрыцця Алімпіяды ў Мілане
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары