Maskva jašče farmiruje svaju pazicyju ŭ adnosinach da trampaŭskaj Rady miru.
Pradstaŭniki Rasii nie buduć udzielničać u pieršym pasiadžeńni Rady miru, paviedamiła aficyjny pradstaŭnik MZS RF Maryja Zacharava. «Rasija nie budzie pradstaŭlena na pasiadžeńni Savieta miru», — skazała jana na bryfinhu.
Jana adznačyła, što «praca pa farmavańni pazicyi [Maskvy ŭ adnosinach da Rady miru] praciahvajecca».
Pieršaje pasiadžeńnie Rady miru zapłanavana na 19 lutaha ŭ Vašynhtonie.
Raniej ministr zamiežnych spraŭ Rasii Siarhiej Łaŭroŭ kazaŭ, što Maskva pakul prapracoŭvaje svaju pazicyju ŭ adnosinach da Rady miru i ŭličvaje, «nakolki naściarožana pastavilisia da hetaj idei vielmi mnohija krainy na Zachadzie i na Uschodzie, uklučajučy pastajannych členaŭ Rady biaśpieki AAN».
Učora Natalla Ejsmant raskazała, što Alaksandru Łukašenku pastupiła zaprašeńnie na pieršuju sustreču lidaraŭ Rady miru, ale toj nie pajedzie.
— Na žal, my atrymali jaho pozna, pracoŭny hrafik na hety pieryjad užo byŭ spłanavany. Tak, my z zadavalnieńniem naviedali b Złučanyja Štaty Amieryki, ale jość pytańni, jakija niemahčyma adkłaści, — zajaviła jana. — Akramia taho, my biarom pad uvahu i mahčymyja łahistyčnyja składanaści, jakija mohuć uźniknuć z-za niezakonnych sankcyj, najpierš Jeŭrasajuza — z ulikam zakryćcia pavietranaj prastory nad ES.
U suviazi z hetym i niahledziačy na žadańnie, Łukašenka «ŭ hetym mierapryjemstvie ŭziać udzieł nie zmoža», skazała Ejsmant.
«Razam z tym padkreślu: my całkam padzialajem nacelenaść prezidenta ZŠA i Rady miru na vyrašeńnie ŭsich suśvietnych kanfliktaŭ mirnym šlacham», — dadała Natalla Ejsmant.
Samit Rady miru maje prajści 19 lutaha ŭ Vašynhtonie. U Vašynhton ad Biełarusi palacić ministr zamiežnych spraŭ Maksim Ryžankoŭ.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
____________________________________________
Mianie turbuje tolki adno pytańnie: $adzin miljard našych hrošaj jany pieraličyli trampu, ci nie? Bo, tudy, musić, puskajuć tolki tych, chto zapłaciu za uvachodny bilet? A kali tudy jedzie naš ministr, to što, zapłacili? I $adzin miljard dla nas užo nie hrošy?