З’явілася відэа, як мінскія камунальнікі незвычайна абаранялі пешаходаў ад падзення ледзяшоў з дахаў дамоў
«Як павінны стужачкі ад ледзяшоў зберагчы?» — не разумеюць каментатары.

У тыктоку з’явілася відэа, якое паказала незвычайнае рашэнне праблемы ледзяшоў уздоўж вуліц Кісялёва, 3 і Кісялёва, 5. Наўрад ці вы такое бачылі. Камунальнікі павесілі папераджальныя стужкі над галовамі мінакоў.
«Вось нашы камунальнікі вельмі кемлівыя мінскія. Вось яны панавешвалі ўздоўж гэтых дамоў вось такіх чырвоных стужак. Дарожку яны не расчысцілі, ніводнага няма на працоўным месцы. Ледзяшы ніхто не збівае ні з дахаў, ні з балконаў. Сцежак ніякіх збоку не пракладзена. І вось людзі сабе ідуць, дзеці са школы… Вось проста пад ледзяшамі. Хто будзе вінаваты? Пытанне. Калі штосьці здарыцца…» — пракаментаваў аўтар відэа.
Відэа выклікала абмеркаванне ў сацыяльных сетках. Каментатары іранічна называюць такія меры «святочнымі гірляндамі», не разумеючы практычны сэнс такой агароджы.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары