Słavienski «Cele», jaki treniruje biełarus Majeŭski, u 1/8 finału Lihi kanfierencyj zhulaje z AJEKam
Siońnia prajšło losavańnie 1/8 finału futbolnaj Lihi kanfierencyj.
Słavienski «Cele», jaki treniruje biełarus Ivan Majeŭski, u 1/8 finału Lihi kanfierencyj zhulaje z AJEKam z Afinaŭ.
Astatnija pary:
- «Krystał Pełas» — AJEK Łarnaka
- «Lech» — «Šachcior»
- «Samsunspor» — «Rajo Valjekana»
- «AZ Ałkmaar» — «Sparta»
- «Fijarencina» (Italija) — «Rakuŭ»
- «Ryjeka» — «Strasbur»
- «Sihma» — «Majnc»
Pieršyja matčy projduć 12 sakavika, paŭtornyja — 19 sakavika. Finał turniru adbudziecca 27 maja ŭ Lejpcyhu (Hiermanija).
Ivan Majeŭski, jaki pracavaŭ pamočnika hałoŭnaha treniera ŭ «Cele», uznačaliŭ kłub u kancy studzienia, kali Albiert Ryjera uznačaliŭ niamiecki «Ajntracht».
Paśla 24 turaŭ z 50 bałami «Cele» lidziruje ŭ turnirnaj tablicy, apiaredžvajučy na dzieviać bałaŭ «Marybor». U čempijanacie Słavienii pad kiraŭnictvam Majeŭskaha z pačatku lutaha kłub dvojčy vyjhraŭ, zhulaŭ uničyju z «Maryboram» i raz prajhraŭ.
U hetym siezonie «Cele» hulaŭ u asnoŭnym raŭndzie Lihi kanfierencyi, finišavaŭ 13‑m z 36 kłubaŭ i ŭ 1/16 finału vybiŭ kosaŭskuju «Drytu», dvojčy pieramohšy jaje.
U minułym siezonie «Cele» ŭ čempijanacie Słavienii zaniaŭ čaćviertaje miesca.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary