U Mahilovie vynieśli prysud mužčynie, jaki čatyry razy ŭdaryŭ kinžałam siłavika
Mahiloŭski abłasny sud pryznačyŭ pakarańnie žycharu Horak, jakoha abvinavacili ŭ zamachu na zabojstva supracoŭnika milicyi, paviedamlaje prakuratura Mahiloŭskaj vobłaści.
Pavodle infarmacyi prakuratury, mužčyna ŭ žniŭni 2025 hoda pryjechaŭ u adpačynak da siamji z Rasii, dzie pracavaŭ mantažnikam. Na praciahu tydnia jon pastajanna piŭ i časta kanfliktavaŭ z žonkaj, z-za čaho taja nieadnarazova źviartałasia ŭ milicyju.
Uviečary 9 žniŭnia mužčyna nie zmoh trapić u kvateru, bo žonka začyniłasia znutry, bajučysia jaho ahresiŭnych pavodzin. Jon sprabavaŭ vybić dźviery i vykarystoŭvaŭ dla hetaha kinžał.
Na vyklik prybyli supracoŭniki adździeła Departamienta achovy. U padjeździe adzin ź milicyjanieraŭ byŭ atakavany: abvinavačany nanios jamu čatyry nažavyja ŭdary, u tym liku ŭ vobłaść šyi. Praŭda, jany byli nie śmiarotnyja.
Sud pryznaŭ mužčynu vinavatym i pryznačyŭ jamu 16 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. Taksama ź jaho na karyść paciarpiełaha spahnanaja hrašovaja kampiensacyja maralnaj škody.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»4
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary