Іранскі пасол пасля сустрэчы з Лукашэнкам: Амерыканскі ўдар па школе быў ахвярапрынашэннем духу д’ябла
Пасол Ірана ў Беларусі Алірэза Санеі 4 сакавіка сустрэўся з Лукашэнкам, а пасля таго на прэс-канферэнцыі спрытна звязаў тое, што адбываецца ў Іране, са скандалам вакол файлаў абвінавачанага ў сэксуальных злачынствах амерыканскага фінансіста Джэфры Эпштэйна.
Санеі заявіў журналістам, што гібель ад удару бомбы па іранскай школе вялікай колькасці дзяўчынак нібыта звязана з культам Джэфры Эпштэйна і мае характар рытуальнага ахвярапрынашэння.
Паводле выкладзенай ім версіі:
«На востраў Эпштэйна прывозілі дзяцей з розных краін, было жорсткае абыходжанне, згвалтаванні і потым ахвярапрынашэнні, яны прыносілі ахвяру духу д’ябла».
Дыпламат сцвярджае, што падобныя дзеянні звязаныя з імкненнем дасягнуць поспеху праз ахвярапрынашэнні.
Санеі адзначыў, што школа для дзяўчынак стала адной з першых цэляў падчас атакі ЗША на Іран, і выказаў меркаванне, што гэта магло быць зроблена менавіта з мэтай прынясення дзяцей у ахвяру.
Цікава пры гэтым, што беларускія дзяржаўныя СМІ, даволі актыўна асвятляючы прэс-канферэнцыю іранскага пасла і шчодра яго цытуючы, акурат гэтае выказванне ці абыходзяць, ці згадваюць мімаходзь агульнымі словамі. Падрабязна спыніліся на ім, згадваючы ў тым ліку і Эпштэйна, толькі расійскія СМІ.
Авіяўдар па іранскай школе, пра які гаварыў пасол, быў нанесены 28 лютага 2026 года паміж 10:00 і 10:45 раніцы. Як паведамлялася, авіябомбай была разбураная пачатковая школа для дзяўчынак «Шаджарэ Таіба» ў горадзе Мінаб (правінцыя Хармазган). Будынак школы быў знішчаны больш чым напалову; відэаматэрыялы з месца падзеі былі верыфікаваныя найбуйнейшымі сусветнымі СМІ (The New York Times, Reuters, BBC). Як сцвярджаюць іранскія ўлады, загінулі ад 165 да 180 чалавек, большасць з якіх — дзеці ва ўзросце ад 7 да 12 гадоў. Незалежных пацвярджэнняў такой колькасці пакуль што атрымаць не ўдалося.
З’явілася ВІДЭА тарпеднага ўдару па іранскім фрэгаце Dena. Яго аж узняло над вадою
Ізраіль нанёс удар па Хаменеі са стратасферы. Без папярэдняга ўдару па СПА, як звычайна ў сучасных войнах
Лукашэнка: Вераломны напад Ізраіля пры падтрымцы ЗША на Іран непрымальны
Ізраіль будзе лічыць любога новага лідара Ірана «безумоўнай мішэнню для ліквідацыі»
У Ізраілі заявілі пра ўдар па іранскім аб'екце, на якім распрацоўвалі ядзерную зброю
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск45
Каментары