Babaryka: Kali b my pieramahli — vajny va Ukrainie nie było b
U novym vypusku TOKa Viktar Babaryka parazvažaŭ pra zaležnaść vynikaŭ pratestaŭ 2020 hoda ŭ Biełarusi i vajennaj ahresii Rasii ŭ 2022-m.
Na pytańnie, ci zmoh by jon u vypadku pieramohi na vybarach 2020 hoda nie dapuścić vykarystańnia terytoryi Biełarusi dla rasijskaha ŭvarvańnia va Ukrainu, Babaryka adkazaŭ:
«Ja, moža być, šmat na Biełaruś advodžu, ale ja liču, što kali b my pieramahli, to vajny b nie było. Prosta jaje b nie było».
Pavodle jaho, paśla padziej 2020 hoda Rasii spatrebiŭsia źniešni vorah, kab utrymać uładu ŭnutry krainy. Biełaruś, na jaho dumku, pakazała niebiaśpiečny dla Kramla prykład: navat spakojnyja i pamiarkoŭnyja ludzi mohuć masava vystupić suprać ułady. Heta, ličyć Babaryka, vyhladała surjoznaj pahrozaj dla rasijskaha režymu.
«Rasija moža trymacca i abjadnoŭvacca tolki pry najaŭnaści źniešniaha voraha. Rasiju dakładna nielha pieramahčy, kali jość źniešni vorah. Voś, ułasna, tamu ja liču, što 20‑y hod — heta była pryčyna, adna z pryčyn, jakaja, ułasna, pryviała i da 22‑ha hoda. Tamu, kali b my pieramahli, vajny b prosta nie było», — davodzić palityk.
Razam z tym Babaryka miarkuje, što ŭ 2020 hodzie Rasija naŭrad ci ŭžo płanavała vajnu. Na toj momant, na jaho dumku, u Kramla jašče nie było vostraj patreby ŭ «źniešnim vorahu», choć unutry krainy ŭžo narastali pratesnyja nastroi. Prykładam hetaha, na jaho dumku, byŭ pratesny ruch 2018 hoda padčas prezidenckich vybaraŭ u Rasii. Adnak, pavodle acenki Babaryki, «heta było jašče ŭsio ž taki nie nastolki haračym».
Jon adznačaje, što impierskija ambicyi Rasii byli vidavočnyja i raniej, ale ŭ toj čas jany chutčej prajaŭlalisia ŭ žadańni adyhryvać bolšuju rolu ŭ suśvietnaj palitycy. Častkova, jak ličyć Babaryka, na heta adhukaŭsia i Zachad — naprykład, kali Rasija ŭdzielničała ŭ farmacie G8.
«Heta ŭsio było. Ale ŭnutry, ja dumaju, nie było nieabchodnaści ŭ najaŭnaści źniešniaha voraha. Paśla 20‑ha hoda, padobna, usie razumieli, što kali heta ŭsio raspuścić [pratesnyja nastroi — NN], to ŭnutry ŭźniknie vielmi vialikaja prablema. A raz unutry ŭźniknie prablema, značyć, treba adciahnuć uvahu na źniešniaha voraha», — padsumoŭvaje palityk.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Viktar Babaryka ŭ Brusieli prezientavaŭ partyju «Razam» i raskazaŭ pra try važnyja kirunki jaje pracy
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju9
Kamientary
na terytoryju Kryma vajennuju techniku i zbroju dla dalejšaha zachopu paŭdniovaj častki Ukrainy.
«Paśla 20-ha hoda, padobna, usie razumieli, što kali heta ŭsio raspuścić [pratesnyja nastroi — NN], to ŭnutry ŭźniknie vielmi vialikaja prablema. A raz unutry ŭźniknie prablema, značyć, treba adciahnuć uvahu na źniešniaha voraha»
Značyć, kali b pieramahli, to Rasieja tym bolš ubačyła b prablemu. Spužałasia b jašče bolš.
Ja zaraz nie pra toje, što nibyta nie treba było ničoha rabić u 2020-m - šancaŭ nie było (dla razumnych zadnim rozumam). A pra toje, što voś hetaja kankretnaja dumka Babaryki supiarečlivaja, kali jaje dadumać.