Šrajbman pra źjaŭleńnie Mielnikavaj u Minsku: Joj dali prava žyć svaim žyćciom
Historyja sa źniknieńniem byłoj śpikierki Kaardynacyjnaj rady Anžaliki Mielnikavaj na minułym tydni dniami atrymała niečakany praciah. Spačatku ŭ internecie źjavilisia fatahrafii žančyny, padobnaj da jaje, ź minskaj trenažornaj zały, a zatym baćka Mielnikavaj «Našaj Nivie» paćvierdziŭ, što jaho dačka ŭžo daŭno znachodzicca ŭ Biełarusi.
U vypusku prahramy «Jak heta razumieć» na «Lusterku» palityčny analityk Arciom Šrajbman adznačyŭ, što adsutnaść uvahi možna rastłumačyć isnavańniem kułuarnych damoŭlenaściaŭ pamiž Mielnikavaj i śpiecsłužbami.
— My možam tolki śpiekulavać, što ŭ hetaj historyi źjaŭlajecca praŭdaj, — padkreślivaje ekśpiert.
— Ale heta ŭkładvajecca ŭ najbolš łahičnuju viersiju taho, što adbyłosia: za takoje viartańnie z hrašyma i insajdarskaj infarmacyjaj (jana, vidać, zdała dastatkova ludziej i apazicyi, budučy adnoj ź jaje lidarak) Mielnikavaj mahli dać svojeasablivaje prava na zabyćcio. Jano, viadoma, nie raspaŭsiudžvajecca na asabistyja pachody ŭ trenažornuju zału. Ale čamu prapahanda pavinna jaje prynižać takimi «razabłačeńniami»? Dumaju, joj prosta dazvolili žyć svaim žyćciom.
Što da nastupstvaŭ dla demakratyčnych sił, to, na dumku Šrajbmana, znachodžańnie Mielnikavaj u Biełarusi mała što źmianiaje ŭ palityčnym łandšafcie. Adkazvajučy na pytańnie, ci spravakavała novaja infarmacyja chvalu niedavieru da demsił, ekśpiert adznačyŭ, što palityčny efiekt ad hetaha skandału ŭžo vyčarpany.
— Ja dumaju, što asnoŭnaja škoda apazicyi ŭ cełym užo naniesiena. Mielnikava, vidać, užo hod znachodzicca ŭ Biełarusi, i za hety čas jana mahła raspavieści [śpiecsłužbam usio, što viedała pra demsiły]. <…> Čarada skandałaŭ takaja, što ŭ patencyjnych skieptykaŭ užo było dastatkova arhumientaŭ, kab adviarnucca ad apazicyi. Na moj pohlad, usie, chto moh, užo daŭno rasčaravalisia, — ličyć Arciom Šrajbman.
Hulajuć skrynšoty z Anžalikaj Mielnikavaj u trenažorcy ŭ Minsku
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja
Fiodar Paŭlučenka nastojvaje: Mielnikava vyhladaje jak čałaviek paśla ciažarnaści
Łatuška: Anžalika Mielnikava viedała šmat adčuvalnaj infarmacyi
«Jaje vyvieli z Polščy». Byłaja aficerka Ahienctva ŭnutranaj biaśpieki — pra toje, što Mielnikava znajšłasia
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary