Меркаванні1313

Шрайбман пра з'яўленне Мельнікавай у Мінску: Ёй далі права жыць сваім жыццём

Гісторыя са знікненнем былой спікеркі Каардынацыйнай рады Анжалікі Мельнікавай на мінулым тыдні днямі атрымала нечаканы працяг. Спачатку ў інтэрнэце з’явіліся фатаграфіі жанчыны, падобнай да яе, з мінскай трэнажорнай залы, а затым бацька Мельнікавай «Нашай Ніве» пацвердзіў, што яго дачка ўжо даўно знаходзіцца ў Беларусі.

У выпуску праграмы «Як гэта разумець» на «Люстэрку» палітычны аналітык Арцём Шрайбман адзначыў, што адсутнасць увагі можна растлумачыць існаваннем кулуарных дамоўленасцяў паміж Мельнікавай і спецслужбамі.

— Мы можам толькі спекуляваць, што ў гэтай гісторыі з’яўляецца праўдай, — падкрэслівае эксперт.

— Але гэта ўкладваецца ў найбольш лагічную версію таго, што адбылося: за такое вяртанне з грашыма і інсайдарскай інфармацыяй (яна, відаць, здала дастаткова людзей і апазіцыі, будучы адной з яе лідарак) Мельнікавай маглі даць своеасаблівае права на забыццё. Яно, вядома, не распаўсюджваецца на асабістыя паходы ў трэнажорную залу. Але чаму прапаганда павінна яе прыніжаць такімі «разаблачэннямі»? Думаю, ёй проста дазволілі жыць сваім жыццём.

Што да наступстваў для дэмакратычных сіл, то, на думку Шрайбмана, знаходжанне Мельнікавай у Беларусі мала што змяняе ў палітычным ландшафце. Адказваючы на пытанне, ці справакавала новая інфармацыя хвалю недаверу да дэмсіл, эксперт адзначыў, што палітычны эфект ад гэтага скандалу ўжо вычарпаны.

— Я думаю, што асноўная шкода апазіцыі ў цэлым ужо нанесена. Мельнікава, відаць, ужо год знаходзіцца ў Беларусі, і за гэты час яна магла распавесці [спецслужбам усё, што ведала пра дэмсілы]. <…> Чарада скандалаў такая, што ў патэнцыйных скептыкаў ужо было дастаткова аргументаў, каб адвярнуцца ад апазіцыі. На мой погляд, усе, хто мог, ужо даўно расчараваліся, — лічыць Арцём Шрайбман.

Каментары13

  • Расчараваны апазіцыянер
    26.03.2026
    Канешне расчараваліся ў апазіцыі. Апошнія гады два-тры яны толькі і робяць, што расчароўваюць большую частку прадэмакратычных беларусаў
  • Фрайдман
    26.03.2026
    Чалы згодны?
  • Божачки
    26.03.2026
    Почему экспетр не рассматривают вариант, что она находится в изоляции?

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

больш чытаных навін
больш лайканых навін

Крымскі мост зруйнаваны ўдарам украінскіх ракет34

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць