Cciapan Łatypaŭ treci raz sprabavaŭ ździejśnić suicyd u turmie
Sam Ściapan niby kazaŭ, što nie bačyć sensu žyćcia i nie vytrymaje jašče adnaho terminu ŭ turemnym režymie.
U lipieni 2025 hoda palitźniavolenaha žychara «Płoščy Pieramien» Ściapana Łatypava pieraviali z mahiloŭskaj turmy № 4 ŭ PK № 22 «Voŭčyja nory», dzie adrazu źmiaścili ŭ ŠIZA, a zatym — u PKT, piša «Viasna».
Tam Ściapan parezaŭ sabie vieny i tam ža jaho zašyvali. Viadoma, što padčas utrymańnia ŭ turmie palitviazień prasiŭ adzinočnaje ŭtrymańnie.
U PKT palitviazień utrymlivaŭsia ŭ drennych umovach: u kamiery nie było navat razietki, kipień davali dvojčy na dzień. Prykładna ŭ vieraśni 2025 hoda Ściapana znoŭ pieraviali ŭ turmu.
Sam Ściapan niby kazaŭ, što nie bačyć sensu žyćcia i nie vytrymaje jašče adnaho terminu ŭ turemnym režymie.
Ściapana Łatypava zatrymali ŭ vieraśni 2020 hoda kala jahonaha doma na «Płoščy Pieramien». 16 žniŭnia 2021 hoda palitviaźnia asudzili za ŭdzieł u akcyjach pratestu (č. 1 i 2 art. 342 KK), «supraciŭ milicyjantam» (č. 2 art. 363 KK) i «machlarstva, ździejśnienaje ŭ asabliva bujnym pamiery» (č. 4 art. 209 KK) na vosiem hadoŭ i šeść miesiacaŭ źniavoleńnia va ŭmovach strohaha režymu. Palitviazień na sudzie nie pryznaŭ vinu ni pa adnym epizodzie.
Pieršuju sprobu samahubstva Ściapan Łatypaŭ ździejśniŭ letam 2021 hoda naŭprost u sudovaj zale. Tady mužčyna ŭtyknuŭ asadku sabie ŭ šyju. Jaho praapieravali ŭ špitali, paśla čaho źmiaścili ŭ SIZA № 1.
U kałonii Ściapan uvieś čas zaznavaŭ cisk z boku administracyi kałonii — mužčynu źmiaščali ŭ ŠIZA i PKT. Na znak pratestu suprać cisku administracyi Ściapan hłytaŭ lazo i znoŭ rezaŭ sabie vieny. Paśla hetaha, vosieńniu 2022 hoda, Ściapanu źmianili režym utrymańnia i pieraviali na dva hady ŭ mahiloŭskuju turmu № 4.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy1
Kamientary
Tut ci ŭsie pavinny vyjści adrazu, spynicca pieraśled, łukašenka ŭ haahu, ukraina pavrianuć krym, raška razvalicca.
Abo nima sensu pa 100 čałaviek vyciahvać, novych ža nabiaruć. Heta maja pryncypovaja pazicyja z Varšavy.