Сам Сцяпан нібы казаў, што не бачыць сэнсу жыцця і не вытрымае яшчэ аднаго тэрміну ў турэмным рэжыме.
У ліпені 2025 года палітзняволенага жыхара «Плошчы Перамен» Сцяпана Латыпава перавялі з магілёўскай турмы № 4 ў ПК № 22 «Воўчыя норы», дзе адразу змясцілі ў ШІЗА, а затым — у ПКТ, піша «Вясна».
Там Сцяпан парэзаў сабе вены і там жа яго зашывалі. Вядома, што падчас утрымання ў турме палітвязень прасіў адзіночнае ўтрыманне.
У ПКТ палітвязень утрымліваўся ў дрэнных умовах: у камеры не было нават разеткі, кіпень давалі двойчы на дзень. Прыкладна ў верасні 2025 года Сцяпана зноў перавялі ў турму.
Сам Сцяпан нібы казаў, што не бачыць сэнсу жыцця і не вытрымае яшчэ аднаго тэрміну ў турэмным рэжыме.
Сцяпана Латыпава затрымалі ў верасні 2020 года каля ягонага дома на «Плошчы Перамен». 16 жніўня 2021 года палітвязня асудзілі за ўдзел у акцыях пратэсту (ч. 1 і 2 арт. 342 КК), «супраціў міліцыянтам» (ч. 2 арт. 363 КК) і «махлярства, здзейсненае ў асабліва буйным памеры» (ч. 4 арт. 209 КК) на восем гадоў і шэсць месяцаў зняволення ва ўмовах строгага рэжыму. Палітвязень на судзе не прызнаў віну ні па адным эпізодзе.
Першую спробу самагубства Сцяпан Латыпаў здзейсніў летам 2021 года наўпрост у судовай зале. Тады мужчына ўтыкнуў асадку сабе ў шыю. Яго прааперавалі ў шпіталі, пасля чаго змясцілі ў СІЗА № 1.
У калоніі Сцяпан увесь час зазнаваў ціск з боку адміністрацыі калоніі — мужчыну змяшчалі ў ШІЗА і ПКТ. На знак пратэсту супраць ціску адміністрацыі Сцяпан глытаў лязо і зноў рэзаў сабе вены. Пасля гэтага, восенню 2022 года, Сцяпану змянілі рэжым утрымання і перавялі на два гады ў магілёўскую турму № 4.
Цяпер чытаюць
Стаў вядомы прысуд экс-памочніку Лукашэнкі Ігару Брыло2
Каментары
Тут ці ўсе павінны выйсці адразу, спыніцца пераслед, лукашэнка ў гаагу, украіна паврянуць крым, рашка разваліцца.
Або німа сэнсу па 100 чалавек выцягваць, новых жа набяруць. Гэта мая прынцыповая пазіцыя з Варшавы.