Rasija nie ŭbačyła dakładna sfarmulavanaj prapanovy pra pieramirje na Vialikdzień u słovach prezidenta Ukrainy Uładzimira Zialenskaha, zajaviŭ pres-sakratar prezidenta RF Dźmitryj Piaskoŭ.
«Zrazumieła, što kijeŭski režym adčajna maje patrebu ŭ pieramirji, u lubym pieramirji, bo dynamika na frantach śviedčyć pra toje, što rasijskija vojski — dzieści chutčej, dzieści pavolniej, ale pa ŭsioj linii frontu prasoŭvajucca napierad», — skazaŭ Piaskoŭ.
Pavodle jaho słoŭ, Zialenski pavinien «uziać na siabie adkaznaść» i pryniać rašeńnie, «kab my vyjšli na mir, a nie na pieramirje». «Paźniej hetaje rašeńnie daviadziecca prymać bolš vysokaj canoj. Pra heta nieadnarazova kazaŭ, u tym liku, i naš prezident», — adznačyŭ Piaskoŭ.
Da hetaha Zialenski paviedamiŭ, što «partniory» Kijeva paprasili skaracić kolkaść udaraŭ pa rasijskich naftavych abjektach na fonie suśvietnaha enierhietyčnaha kryzisu, jaki ŭźnik z-za vajny ŭ Iranie. U adkaz na heta ŭkrainski prezident prapanavaŭ abviaścić pieramirje na pieryjad pravasłaŭnaha Vialikadnia, jaki budzie adznačacca 12 krasavika.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary