Žurnalistka vydańnia Myfin.by zaŭvažyła, što na eBay za $50 pradajecca pamiatnaja miedna-nikielevaja manieta «Kalinkavicki stroj» — takija byli ŭviedzieny ŭ abaračeńnie try hady tamu, u 2023-m.
Z ulikam dastaŭki manieta abydziecca bolš čym $55. Darečy, u Biełarusi jana pradajecca jašče daražej: na sajcie «Biełnumizmatyki» jaje vystavili za 161,9 BYN, a heta $56 biez dastaŭki.
Na sajcie biełaruskich bankaŭ, jakija pradajuć maniety hetaj sieryi, mienavita takoj užo niama — na sajcie Nacbanka jość tolki srebranaja (jašče daražejšaja) i miedna-nikielevaja biez pazałoty (značna tańniejšaja).
I voś čamu: jak paviedamlaje «Biełnumizmatyka», hetaja manieta z pazałotaj — adciuninhavanaja:
«Hety ekskluziŭny łot ujaŭlaje saboj mastackuju madyfikacyju aryhinalnaj maniety Nacyjanalnaha banka Respubliki Biełaruś, vypuščanuju stroha limitavanaj sieryjaj z 300 ekzemplaraŭ u miežach prajekta BelCoinArt. Naniasieńnie sucelnaha vysokatechnałahičnaha pakryćcia pad zołata pieratvaryła łakaničny nikielevy čakan u kaštoŭny art-abjekt z hłybokim juvielirnym abjomam. Vysakarodny mietaličny blask efiektna padkreśliŭ aŭtentyčnyja hieamietryčnyja ŭzory i znakamityja paleskija rambičnyja arnamienty, jakija stahodździami słužyli abiarehami biełaruskaj siamji. Unikalnaść i sapraŭdnaść kožnaha ekzemplara paćvierdžanyja firmovym numarnym siertyfikatam (Certificate of authenticity). Dla absalutnaj abarony ad falsifikacyi na siertyfikat naniesienaja śpiecyjalnaja hałahrama BelCoinArt, jakaja razburajecca pry luboj sprobie adklejvańnia».
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Kamientary