Vychodzić halivudskaja kamiedyja, jakuju zdymaŭ apieratar ź Minska
Adna z hałoŭnych premjer krasavika — film «Voś heta drama!» z supierzorkami Ziendajaj i Robiertam Pacinsanam. Tym cikaviejšaja, što hałoŭny apieratar hetaha filma naradziŭsia i vyras u Minsku.
«Voś heta drama!» (The Drama) — kamiedyja ad kinastudyi A24, jakaja robić chiba ci nie samyja śmiełyja i niebanalnyja stužki ŭ sučasnym miejnstrymnym kino. Topavyja halivudskija akciory Ziendaja i Robiert Pacinsan hrajuć u im Emu i Čarli, maładuju paru, jakoj da viasiella zastałosia niekalki dzion. Ale tut Čarli daviedvajecca pra Emu niešta vielmi niečakanaje, i ŭ ich žyćci raspačynajecca sapraŭdnaja drama.
Apieratar-pastanoŭščyk hetaj stužki — 33‑hadovy Arsienij Chačaturan, jaki naradziŭsia i vyras u Minsku. Jon paśpieŭ dva hady pavučycca ŭ biełaruskaj Akademii mastactvaŭ, pakul nie pierajechaŭ u ZŠA.
Siarod najbujniejšych prajektaŭ ź jaho ŭdziełam — film Bones and All («Całkam i daastatku») z halivudskaj zorkaj Cimaci Šałame, uhanaravany naminacyjaj na Vieniecyjanskim kinafiestyvali. U 2023‑m Chačaturan pracavaŭ u kamandzie sieryjała «Kumir» ad amierykanskaha kanała HBO. A sioleta vychodzić kryminalnaja kamiedyja «Supravadžajučyja» (The Chaperones), dzie adzin z pradziusaraŭ — Bred Pit, i ŭ joj Chačaturan znoŭ adkazvaje za apieratarskuju pracu.
Pabačyć film «Voś heta drama!» u Biełarusi možna budzie z 9 krasavika.
«Naša Niva» — bastyjon biełaruščyny
PADTRYMAĆ«Prajekt «Kaniec śvietu» z Rajanam Hoślinham — čamu heta sientymientalnaja fantastyka vam dakładna spadabajecca
Pakazali pieršy tyzier novaha sieryjała pra Hary Potera VIDEA
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj
Kamientary